18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Սա բանակցային գործընթացի պաշտոնական մեկնարկ չէ». Նիկոլ Փինյանը Ալիևի հետ հանդիպման մասին. ՈՒՂԻՂ
Քաղաքականություն
23.01.2019 | 15:03
ՀՀ վարչապետ Նիկոլ Փաշինյանը ֆեյսբուքյան ուղիղ հեռարձակմամբ անդրադարձավ երեկ Դավոսում իր և Ադրբեջանի նախագահ Իլհամ Ալիևի հանդիպմանը՝ շեշտելով, որ հանդիպումը նախապես պլանավորված չի եղել. «Սա Ալիևի հետ մեր երրորդ հանդիպումն է և նախապես որևէ հանդիպում պլանավորված չի եղել: Օրինակ՝ Դուշանբեում ինչքան հնարավորություն կար, որ մենք կհանդիպենք, նույնքան էլ հնարավորություն կար, որ չենք հանդիպի, նույնն էլ Սանկտ Պետերբուրգում»:
Վարչապետը մանրամասնեց, որ մի այնպիսի ըմբռնում եղավ, որ այն միջոցառումներին, որտեղ երկուսով մասնակցում են, առնվազն չխուսափեն հանդիպումներից. «Սրանք բանակցային գործընթացի պաշտոնական մեկնարկ և բանակցային գործընթացի հանգրվան չեն»:
«Հիմա ինչ վերաբերվում է քննարկման բովանդակությանը. ըստ էության մենք քննարկել ենք բանակցային գործընթացի պատմությունը: Այսինքն՝ երբ, որտեղ, ինչ տեղի ունեցավ: Իհարկե քննարկել ենք նաև հնարավորությունները, թե ինչ պայմաններ կան այս կոնտեքստում կարգավորման, ինչ հնարավորություններ կան, ինչ անհնարինություններ կան: Եվ ես ուզում եմ ասել, որ ոչ մի դետալ չենք քննարկել: Սա նաև ինչ-որ առումով մտքեր փոխանակելու, բանակցային գործընթացի ընկալումներին փոխադարձաբար ծանոթանալու և շփվելու հնարավորություն է»,- ասաց ՀՀ վարչապետ Նիկոլ Փաշինյանը:
Մանրամասները տեսանյութում:
