11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՀՀ նախագահը շնորհավորել է Հենրիխ Մխիթարյանին ծննդյան օրվա առթիվ
23.01.2019 | 14:33
ՀՀ նախագահ Արմեն Սարգսյանը հեռախոսազրույց է ունեցել ֆուտբոլի Հայաստանի ազգային հավաքականի եւ Լոնդոնի «Արսենալի» կիսապաշտպան Հենրիխ Մխիթարյանի հետ: Այս մասին հայտնում է նախագահի մամուլի ծառայությունը: Նա շնորհավորել ֆուտբոլիստի ծննդյան օրը: Հունվարի 21-ին Մխիթարյանը դարձել էր 30 տարեկան: Սարգսյանը նրան մաղթել է քաջառողջություն եւ հաջողություններ:
Նախագահը նաեւ հետաքրքրվել է Մխիթարյանի ապաքինման ընթացքով: Հույս հայտնել, որ նա շատ շուտով կվերադառնա խաղադաշտ եւ վերստին ուրախություն կպարգեւի ֆուտբոլասերներին: Որպես «Արսենալի» երկար տարիների երկրպագու՝ Սարգսյանը հույս է հայտնել, որ առաջիկայում հնարավորություն կունենա ներկա գտնվելու Մխիթարյանի մասնակցությամբ խաղերից մեկին:
Մխիթարյանն այս օրերին «Արսենալի» հետ նախապատրաստվում է հունվարի 25-ին կայանալիք Անգլիայի գավաթի խաղարկության՝ «Մանչեստեր Յունայթեդի» դեմ հանդիպմանը: Նա խաղադաշտ դուրս չի եկել 2018 թ. դեկտեմբերի 19-ից: Այդ օրը ոտնաթաթի վնասվածք ստացավ Անգլիայի Լիգայի գավաթի քառորդ եզրափակչի «Թոթենհեմի» դեմ խաղում:
