08.03.2026 | 10:12
Հանրապետության մի շարք տարածաշրջաններում ձյուն է տեղում
Արսեն Թորոսյանը Սամվել Մայրապետյանի առողջական վիճակի մասին գաղտնիքներ չի բացում. ՏԵՍԱՆՅՈՒԹ
Հասարակություն
23.01.2019 | 11:53
Առողջապահության նախարարության աշխատակիցը Սամվել Մայրապետյանի գործով համագործակցում է ՀՀ Գլխավոր դատախազության, Հատուկ քննչական ծառայության և ՄԻԵԴԻ-ի հետ, և այդ գործով տվել է իր եզրակացությունն այդ մարմիններին. այս մասին այսօր հրավիրված մամուլի ասուլիսի ժամանակ ասաց առողջապահության նախարար Արսեն Թորոսյանը:
«Ես վստահ չեմ, որ հիմա կարող եմ բժշկական գաղտնիք բացահայտել, բայց այն դիրքորոշումները, որոնք հայտնում են քննչական մարմինները ներառում է մեր դիրքորոշումը, հետևաբար նրանց ասածը կարդալուց կարող եք հաշվի առնել, որ մենք մեր կարծիքը տվել ենք իրենց»,- ասաց նախարարը՝ հրաժարվելով այս հարցով այլ մանրամասներ հայտնել, քանի որ դա, ըստ նրա, պարունակում է բժշկական գաղտնիք։
Լրագրողի դիտարկմանը՝ փաստորեն Սամվել Մայրապետյանը կարո՞ղ է տրանսլումինալ դրենավորման ենթարկվել, Արսեն Թորոսյանը նկատեց․ «Իսկ Դուք գիտե՞ք դա ինչ է, իսկ Դուք վտսա՞հ եք, որ նրան այդ մեթոդն է ցուցված հիմա։ Կրկնում եմ՝ մեր դիրքորոշումը հայտնվել է այն մարմիններին, ում անհրաժեշտ է, նրանց կողմից տրվող պատասխանները, լուծումները ներառում են մեր դիրքորոշումը, որը հիմնված է մասնագիտական կարծիքի վրա»։
Մանրամասները՝ տեսանյութում։
