18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Սասնա ծռերի» գործով դատական նիստը հետաձգվեց
Հասարակություն
23.01.2019 | 11:47
«Սասնա ծռեր» խմբի տասը անդամների գործով դատական նիստը Մեսրոպ Մակյանի նախագահությամբ մեկնարկեց առանց տուժողներից երկուսի: Նրանցից մեկն Արցախում էր, մյուսը` հիվանդ:
Ամբաստանյալ Սմբատ Բարսեղյանի պաշտպանը միջնորդեց նրան հնարավորություն տալ մասնակցելու այս դատական նիստին: Բարսեղյանը նախորդ նիստին ոչ պատճաշ վարքագիծ դրսևորելու համար հեռացվել էր նիստերի դահլիճից: Չնայած մեղադրողը առարկեց, դատարանը որոշեց Բարսեղյանին նիստին մասնակցելու հնարավորություն տալ:
Սմբատ Բարսեղյանը ներս մտավ դահլիճ ծափահարությունների ներքո, իսկ նիստերի դահլիճում նրանց աջակիցներն էին` Արմեն Բիլյանի և Սմբատ Բարսեղյանի լուսանկարներով:
Հիշեցնենք, որ վերջիններս խմբի այն երկու անդամներն են, որոնք շարունակում են մնալ անազատության մեջ. նրանց մեղսագրվում են ոստիկանության աշխատակիցների սպանությունները:
Լիլիթ Շաբոյան
