16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
Պետպատվերի շրջանակում ուռուցքաբանական վիրահատությունները կարվեն անվճար՝ առանց համավճարի․ Արսեն Թորոսյան․ ՏԵՍԱՆՅՈՒԹ
Հասարակություն
23.01.2019 | 11:35
Ուռուցքաբանական վիրահատությունների ժամանակ նախկինում գործում էր համավճարի սկզբունքը, և այն բժշկական կենտրոնները, որտեղ կատարվում էին նման վիրահատություններ, պետությունը վճարում էր գումարի շատ փոքր մասը, իսկ բեռի մեծ մասը մնում էր քաղաքացիների վրա, հետևաբար տրամաբանական չէր այդ վիրահատությունները համարել պետպատվեր։ Այս խնդիրներից ազատվելու համար այժմ պետությունը կփոխհատուցի այդ վիրահատությունների համար ամբողջությամբ և քաղաքացուց համավճար չի գանձվի։
Այս մասին այսօր հրավիրված ամփոփիչ ասուլիսի ժամանակ ասաց առողջապահության նախարար Արսեն Թորոսյանը։
«Ուռուցքաբանական ծառայությունների համար մենք այս տարի ունենք 700 մլն դրամի աճ, որը ավելացել է անցյալ տարվա 1,1 մլրդ-ի վրա։ Որոշում պետք է կայացվեր, թե այդ 700 մլն դրամն ինչի՞ վրա ենք ծախսելու։ Քննարկումների արդյունքում եկանք այն եզրահանգման, որ պետք է փորձենք մեղմել քաղաքացիների վրա եղած բեռը՝ համավճարը։ Որոշվել է, որ այդ 700 մլն դրամի մեծ մասը ծախսվելու է այդ համավճարը հանելու համար։ Այն հիվանդանոցները, որոնք կունենան պետպատվեր, այնտեղ վիրահատության համար գումար քաղաքացին չի վճարի, պետությունը կփոխհատուցի գումարն ամբողջությամբ և շուկայական գնով, որովհետև մենք ունենք նաև այլ ծառայություններ, երբ ասում ենք պետպատվեր, սակայն ծառայությունների գումարները շուկայականից ցածր են, և բուժհաստատությունները միշտ այլ ակնկալիքներ են ունենում։ Այժմ այլ ակնկալիքներ չեն լինելու, գները լինելու են շուկայական և ինքնարժեքից բարձր»,- ասաց նախարարը։
Մանրամասները՝ տեսանյութում։
