07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Մանվել Գրիգորյանի փաստաբանը նրան կրկին կալանավորելու մասին․ ՏԵՍԱՆՅՈՒԹ
Հասարակություն
22.01.2019 | 17:59
Վերաքննիչ դատարանն այսօր Մանվել Գրիգորյանին կրկին կալանավորելու որոշում կայացրեց։
Ազգային անվտանգության շենքի դիմաց լրագրողների հետ զրույցում Գրիգորյանի պաշտպան Արսեն Մկրտչյանը նշեց, որ նախագահող դատավորը Մանվել Գրիգորյանին առաջին անգամ կալանք տված դատավորի գործընկերն է, ուստի իրենց համար որևէ նորություն և անկանխատեսելի բան չկար այսօրվա որոշման մեջ։
«Այնպես չէ, որ պաշտպանական կողմը պատրաստ չէր նման լուծումների։ Երևի թե հարևան երկրում շատ կուրախանան այս որոշումից հետո»,- ասաց Արսեն Մկրտչյանը՝ շեշտելով, որ «Մանվել Գրիգորյանը պատվով է տանելու այս գերությունը», իսկ պաշտպանական կողմը շարունակելու է աշխատել։
Արսեն Մկրտչյանը նշեց, որ իրենց համար ակնհայտ էր, որ նման որոշում կկայացվի նաև այն պատճառով, որ Մանվել Գրիգորյանի գործը քննող դատավորին երկու անգամ իրենք բացարկ են հայտնել, ինչը վերջինս չի ընդունել, որպեսզի ընդունի Գրիգորյանին կալանավորելու որոշումը։
«Ոչ մի բան էլ այլևս չենք բացառի, չգիտեմ՝ հիմնավորումները ինչի վրա կդնենք, ինչը կշեշտադրենք, բայց, կարծում եմ, որ որևէ բան այլևս չենք բացառի»,- ասաց պաշտպանն ՝ ի պատասխան հարցի՝ արդյոք այս կալանքի որոշումից հետո էլ չեն պատրաստվում դիմել ՄԻԵԴ։
Մանրամասները՝ տեսանյութում։
