10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Հայաստանը «Գազպրոմ»-ի հետ պայմանավորվել է գազի ներքին սակագնի պահպանման հարցով. Փաշինյան
Տնտեսություն
22.01.2019 | 15:26
Վարչապետ Նիկոլ Փաշինյանը հայտնել է, որ Հայաստանի իշխանությունները «Գազպրոմի» հետ պայմանավորվել են գազի ներքին սակագնի պահպանման հարցով:
««Գազպրոմ»-ը գազ է վաճառում ոչ թե Հայաստանին, այլ «Գազպրոմ Արմենիա» ընկերությանը, այդ պատճառով մեր դերը միջնորդավորված է: Բայց մենք «Գազպրոմ Արմենիա»-ի հետ պայմանավորվել ենք, որ երկրի ներսում գազի գինը չի փոխվի»,- Դավոսի տնտեսական համաժողովին մասնակցող Նիկոլ Փաշինյանն այս մասին ասել է ՌԻԱ Նովոստիի թղթակցի հետ զրույցում:
Դեկտեմբերի վերջին հայտնի դարձավ, որ 2019 թվականին «Գազպրոմ»-ը Հայաստանին գազ է մատակարարելու մեկ խորանարդ մետրը 165 դոլարով՝ 2018-ի 150 դոլարի փոխարեն: Տարեկան 2.5 մլրդ խորանարդ մետր գազի մատակարարման պայմանագիրը գործում է մինչև 2019 թվականի ավարտը:
«Գազպրոմ Արմենիա»-ն 100 տոկոսով պատկանում է ռուսական «Գազպրոմ»-ին. այն Հայաստանի ներքին շուկայում գազի մատակարարն է:
«Երկրի ներսում գազի սակագինը չի փոխվի, և մենք կշարունակենք «Գազպրոմ»-ի հետ բանակցությունները՝ վերջնական համաձայնության հասնելու համար: Եվ մեզ համար շատ կարևոր է համաձայնության հասնել գազի երկարաժամկետ սակագնի հարցում»,- ասել է Նիկոլ Փաշինյանը:
