11.09.2026 | 10:38
Հայաստանն Իրաքյան Քուրդիստանի հետ քննարկել է առևտրատնտեսական կապերը զարգացնելու հնարավորությունները
Մանվել Գրիգորյանը այսօր կրկին կկալանավորվի. ՏԵՍԱՆՅՈՒԹ
Հասարակություն
22.01.2019 | 13:39
Այսօր Վերաքննիչ դատարանում հրապարակվեց ԱԺ նախկին պատգամավոր Մանվել Գրիգորյանի գործով դատարանի որոշումը։
«Մանվել Գրիգորյանը այսօր կրկին կկալանավորվի»,- այս մասին լրագրողների հետ զրույցում, ասաց Գլխավոր դատախազության հատկապես կարևոր գործերով քննության նկատմամբ հսկողության վարչության պետ Վահագն Մուրադյանը։
Վերաքննիչ դատարանը՝ Արսեն Նիկողոսյանի նախագահությամբ որոշեց բավարարել Դատախազության բերած վերաքննիչ բողոքը՝ Առաջին ատյանի որոշման դեմ։ Վերջինիս որոշմամբ՝ Մանվել Գրիգորյանի խափանման միջոց կալանավորումը փոփոխվել էր 25 միլիոն դրամ գրավի դիմաց։
Արդյունքում Մանվել Գրիգորյանը կրկին կհայտնվի ճաղերի հետևում։
Գրիգորյանի պաշտպանները բազմիցս նշել են, որ նա ունի առողջական շատ լուրջ խնդիրներ, որոնք կալանքի հետ համատեղելի չեն։
Հիշեցնենք, որ Մանվել Գրիգորյանին մեղադրանք է առաջադրվել ՀՀ ՔՕ-ի 235-րդ հոդվածի 2-րդ մասի՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը մի խումբ անձանց կողմից և ՔՕ-ի 179-րդ հոդվածի 3-րդ մասի 1-ին կետով՝ խոշոր չափերի յուրացում հատկանիշներով:
