14.12.2024 | 19:57
Ինչ իրավիճակ է ճանապարհներին 19։35-ի դրությամբ
ԱԳՆ-ն՝ Ավետ Ադոնցին փոխնախարար նշանակելու լուրի մասին
Քաղաքականություն
21.01.2019 | 18:23
Հայաստանի Արտաքին գործերի նախարարությունը Ավետ Ադոնցին ԱԳ փոխնախարարի պաշտոնում նշանակելու մասին լուրը ո՛չ հերքում, ո՛չ հաստատում է։
«Այդ տեղեկությունը ԱԳՆ-ն այս պահին ո՛չ հերքում է, ո՛չ հաստատում։ Փոխնախարարի նշանակման հարցում կա հստակ ընթացակարգ, այդ պաշտոնում նշանակվում են վարչապետի որոշմամբ, որևէ ժամանակային սահմանափակում էլ չկա, ուստի հետևելու ենք այդ ընթացակարրգին»,-Factor.am-ի հստակեցնող հարցին՝ արդյոք Ավետ Ադոնցի թեկնածությունը քննարկվում է փոխնախարարի պաշտոնի համար, ասաց ԱԳՆ խոսնակ Աննա Նաղդալյանը։
Հիշեցնենք, որ ըստ մամուլի հրապարակումկների, ՀՀ ԱԳ նախարար Զոհրաբ Մնացականյանը ցանկանում է ԱԳ փոխնախարարի պաշտոնում տեսնել Ավետ Ադոնցին։ Նա 2014 թ. օգոստոսի 5-ին ՀՀ նախագահի հրամանագրով նշանակվել էր Իսպանիայի Թագավորությունում Հայաստանի Հանրապետության արտակարգ և լիազոր դեսպան և վերջերս ավարտել իր դիվանագիտական առաքելությունն այդ երկրում։
