10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
«Լուսավոր Հայաստանը» կոչ է անում մարզպետներին վերանայել պարգևատրումների վերաբերյալ որոշումները. ՏԵՍԱՆՅՈՒԹ
Քաղաքականություն
21.01.2019 | 12:12
Մարզպետների կարգադրություններով աշխատակիցներին շռայլ պարգևավճարներ տալը ոչ միանշանակ է ընդունվել հանրության կողմից։ ԱԺ ճեպազրույցների ժամին «Լուսավոր Հայաստան» խմբակցության պատգամավոր Անի Սամսոնյանը ևս քննադատություն է հնչեցնում․ «Մարզպետների ընդունած կարգադրություններն անընդունելի են, որովհետև 7 կամ 2 ամիս աշխատած հանրային պաշտոնյաները կամ ծառայողները չէին կարող այդպիսի բարձր պաշտոնային դրույքաչափերով պարգևավճարներ ստանալ»։
Երևանի ավագանու նախկին անդամ Անի Սամսոնյանը հիշեցնում է, որ Երևանի քաղաքապետարանը ևս պարգևատրել է աշխատակիցների, բայց քաղաքապետ Մարությանը չի հրապարակում՝ որ պաշտոնյան պետական բյուջեից ինչքան գումար է ստացել։ «Լուսավոր Հայաստանը» կոչ է անում մարզպետներին վերանայել պարգևատրումների վերաբերյալ որոշումները:
«Պետական բյուջեի հաշվին նման շռայլ պարգևավճարներ տալը, այն էլ՝ դեռ 1 տարի չաշխատած հանրային ծառայողների համար, կարծում ենք, թույլատրելի չէ»,- ասում է Անի Սամսոնյանը։
Մանրամասները՝ տեսանյութում:
