24.07.2026 | 12:29
«Բարսելոնան» ու «Ռեալը» ներկայացրել են նոր համազգեստները․ ՏԵՍԱՆՅՈՒԹ, ԼՈՒՍԱՆԿԱՐ
Ոստիկանները հայտնաբերել են «ՍԱՍ» սուպերմարկետում ավազակային հարձակում կատարած 20-ամյա կասկածյալին. shamshyan.com
Հասարակություն
20.01.2019 | 17:12
Այսօր՝ հունվարի 20-ին, ոստիկանության Երևան քաղաքի վարչության քրեական հետախուզության բաժնի ծառայողները ոստիկանության Արաբկիրի բաժնի իրենց գործընկերների հետ ձեռնարկված օպերատիվ-հետախուզական գործողությունների արդյունքում Դավիթաշեն վարչական շրջանում հայտնաբերել են նույն վարչական շրջանի բնակիչ, 20-ամյա Աշոտ Մեջլումյանին:
Ինչպես հայտնում է shamshyan.com-ը, վերջինս կասկածվում է օրեր առաջ՝ հունվարի 17-ին, գիշերը ժամը 02:30-ի սահմաններում Արաբկիրի վարչական շրջանի Բաղրամյան պողոտայում գործող «ՍԱՍ» սուպերմարկետում ավազակային հարձակում կատարելու մեջ:
Կասկածյալը ոստիկանությունից տեղափոխվել է Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին:
Ինչպես հայտնել էինք ավելի վաղ, հունվարի 17-ի գիշերը ոստիկանությունն ահազանգ էր ստացել, որ զինված անձը մտել է Բաղրամյան պողոտայում գտնվող «ՍԱՍ» սուպերմարկետ և ցանկացել է գումար հափշտակել:
