16.01.2025 | 20:13
Մեծ Բրիտանիան և Ուկրաինան 100-ամյա գործընկերության համաձայնագիր են ստորագրել
Սամվել Կարապետյանի հովանավորյալը կտեղափոխվի Կառավարություն. «Ժամանակ»
Քաղաքականություն
19.01.2019 | 09:15
«Ժամանակ» թերթը գրում է. «Էներգետիկ ենթակառուցվածքների և բնական պաշարների նախարար է նշանակվելու Հակոբ Վարդանյանը, ով 2018թ. հունիսի 5-ից զբաղեցնում է նախարարի տեղակալի պաշտոնը:
Վարդանյանը «Տաշիր Գրուպ» ընկերության սեփականատեր Սամվել Կարապետյանի հովանավորյալն է, և այդ պաշտոնին է նշանակվում «Տաշիր Գրուպի» շահերը այս ոլորտում սպասարկելու համար:
Վարդանյանը 2016-2018թթ. աշխատել է «Տաշիր Գրուպ» ընկերությունների խմբում Էներգետիկայի ոլորտում իրականացվող ներդրումային ծրագրերի ղեկավար, «Հայաստանի էլեկտրական ցանցեր» ՓԲԸ-ի անվտանգության և վերահսկողության գծով տնօրենի տեղակալ:
Իսկ ներկայիս նախարար Գարեգին Բաղրամյանը կնշանակվի Հանրային ծառայությունները կարգավորող պետական հանձնաժողովի նախագահ՝ այդ պաշտոնում ևս սպասարկելով Սամվել Կարապետյանի շահերը: Բաղրամյանը 2011-2018թթ. եղել է հանրային ծառայությունները կարգավորող հանձնաժողովի սակագնային քաղաքականության վարչության պետ՝ լինելով հանձնաժողովի նախագահ Ռոբերտ Նազարյանի տասովշիկը ձախ եկամուտների ապահովման գործում»:
Առավել մանրամասն՝ թերթի այսօրվա համարում:
