16.01.2025 | 20:00
ԱՄՆ-ի նոր վարչակազմը Ալիևին պատժամիջոցների ուղերձ պիտի տա՝ ՀՀ-ի դեմ հարձակումը կանխելու համար․ Տիգրան Գրիգորյան․ ՏԵՍԱՆՅՈՒԹ
Դարակազմիկ եզրակացություններ են արվում, որոնք ուղղակի ծիծաղելի են. վարչապետը՝ Սամվել Մայրապետյանի գործով ՄԻԵԴ որոշման մասին. ՏԵՍԱՆՅՈՒԹ
Քաղաքականություն
18.01.2019 | 21:36
Վարչապետ Նիկոլ Փաշինյանը ֆեյսբուքյան ուղիղ եթերում անդրադարձավ գործարար Սամվել Մայրապետյանի գործով Մարդու իրավունքների եվրոպական դատարանի (ՄԻԵԴ) որոշմանը:
Հիշեցնենք, որ կալանավորված գործարարի փաստաբանական խումբը տեղեկացրել է, որ ՄԻԵԴ-ը որոշել է միջանկյալ միջոց կիրառել Սամվել Մայրապետյանի գործով և ցուցում է տվել Հայաստանի կառավարությանը՝ շտապ կերպով ապահովել Սամվել Մայրապետյանի առողջական վիճակին համապատասխան բուժօգնություն:
«Մի քանի հրապարակումներ ընկան աչքովս, թե ՄԻԵԴ-ը Հայաստանի հետ կապված որոշում է կայացրել, մասնավորապես՝ Սամվել Մայրապետյանի հետ կապված: Ես ուրախությամբ հետևում եմ, թե ինչպես են դրանից դարձնում իրադարձություն՝ փորձելով Հայաստանի գործող կառավարության ինչ-որ անհաջողություն, սխալ… դարակազմիկ գնահատականներ են տրվում դրան»,- ասաց Փաշինյանը:
Նա նշեց, որ չի ցանկանում որևէ մեկնաբանություն անել, այլ ընդամենը վիճակագրություն է ներկայացնելու. «Ավստրիան, որը իրավական, կայացած պետություն է, այդ երկրի նկատմամբ, օրինակ, 2016 թվականին ՄԻԵԴ-ը նման 7 որոշում է կայացրել, 2017-ին՝ 4 որոշում»:
Նիկոլ Փաշինյանի խոսքով՝ սա սովորական դատական գործընթաց է, մանավանդ, որ կառավարությունը շատ հստակ պայման է դրել և՛ դատարանների, և՛ քննչական մարմինների առաջ, որ նրանք պիտի գործեն օրինական, անկախ:
«Սրանք ուղղակի դատական վեճեր են, և այն դարակազմիկ եզրակացությունները, որ դրանց հետ կապված արվում են, ուղղակի ծիծաղելի են: Որքան էլ դա ոմանց դուր չկա, դա սովորական մանիպուլյացիա է, և ոմանք, տիրապետելով ինչ-որ լրատվական ռեսուրսների, օգտվում են դրանից՝ մեծադղիրդ բառեր և նախադասություններ արտասանելու, որպեսզի տպավորություններ ստեղծեն»,- եզրափակեց վարչապետը:
Մանրամասները՝ տեսանյութում:
