18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ՀՔԾ, ԱԱԾ պետերն ու վարչապետը հայտնի հեռախոսազրույցից հետո չպիտի շարունակեին պաշտոնավարել. Օրբելյան. ՏԵՍԱՆՅՈՒԹ
Հասարակություն
18.01.2019 | 18:41
Պաշտպանները կբողոքարկեն Քոչարյանի կալանքի ժամկետը երկարաձգելու դատարանի որոշումը։ Այս մասին լրագրողների հետ զրույցում ասաց Քոչարյանի պաշտպաններից Արամ Օրբելյանը։
Հիշեցնենք, որ դատարանն այսօր բավարարել է ՀՔԾ-ի միջնորդությունը՝ 2 ամսով Քոչարյանի կալանքը երկարաձգելով։
Պաշտպանը նշեց, որ դատարանը չի անդրադարձել պաշտպանական կողմի՝ դեռևս 2018թ. դեկտեմբերի 26-ին ներկայացրած գրավի միջնորդությանը, այլ մերժել է կալանքը երկարաձգելու ՀՔԾ-ի միջնորդությանը պատասխան ներկայացված գրավի նոր միջնորդությունը։ Դատարանի որոշումը ստանալուց հետո այն կբողոքարկեն Վերաքննիչ քրեական դատարանում. «Այս պահին տրամաբանական չէ գրավի վերաբերյալ նոր միջնորդություն ներկայացնելը, որովհետև դատարանն արդեն դիրքորոշում է հայտնել»։
Պաշտոնաթող նախագահը, հիշեցնենք, մեղադրվում է Մարտի 1-ի արյունալի դեպքերի ժամանակ ՀՀ սահմանադրական կարգը տապալելու մեջ։ Նա դեկտեմբերի 7-ից կալանավորված է։
Մանրամասները` տեսանյութում:
