07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Տիկի՛ն Թանդիլյան, Դուք ունենալու եք ԲՀԿ-ի անվերապահ աջակցությունը. Նաիրա Զոհրաբյան
Քաղաքականություն
18.01.2019 | 15:10
Ազգային ժողովի Ֆինանսավարկային և բյուջետային հարցերի մշտական հանձնաժողովը «Բարգավաճ Հայաստան» խմբակցության պատգամավոր Նաիրա Զոհրաբյանը համարում է ամենածանրաբեռնվածը, որովհետև վերահսկողություն է իրականացնելու և՛ Կենտրոնական բանկի, և՛ պետական բյուջեի, և՛ Հաշվեքննիչ հանձնաժողովի վրա։
Այս մասին այսօր հանձնաժողովի նախագահի թեկնածության քննարկման ժամանակ դիմելով թեկնածու Մանե Թանդիլյանին՝ ասաց պատգամավոր Նաիրա Զոհրաբյանը։
«Ձեր պրոֆեսիոնալիզմը միանշանակ բավարարելու է այդ ծանր բեռը առաջ տանելու համար։ Ուզում եմ նշել, որ տիկի՛ն Թանդիլյան, Դուք, ունենալու եք «Բարգավաճ Հայաստան» խմբակցության անվերապահ աջակցությունը»,-ասաց Զոհրաբյանը։
Վերջինս նշեց, որ աննախադեպ է, երբ հինգ օր խորհրդարանը քննարկում է ոլորտային հանձնաժողովների պաշտոններում հանձնաժողովների նախագահների թեկնածությունները։
«Սա դրական ազդակ է, որ ունենալու ենք պրոֆեսիոնալ խորհրդարան, որտեղ մարդիկ եկել են աշխատելու համար։ «Բարգավաճ Հայաստան»-ը աջակցելու է «Իմ քայլ»-ի առաջադրած ոլորտային բոլոր հանձնաժողովների նախագահների թեկնածուներին, որովհետև քննարկումների ժամանակ մենք տեսանք, որ առաջադրվել են թեկնածուներ, ովքեր կարողանալու են անել առավելագույնը, որ մենք մեր խորհրդարանական աշխատանքը կարողանանք կազմակերպել գրագետ և պրոֆեսիոնալ»,-ասաց Նաիրա Զոհրաբյանը։
