16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
««Կարողա»-ով չի կարելի մարդուն կալանքի տակ պահել»․ Մանվել Գրիգորյանի պաշտպան. ՏԵՍԱՆՅՈՒԹ
Հասարակություն
18.01.2019 | 17:53
«Մեղքդ չես ճանաչում՝ կալանավորվի, մեղքդ ճանաչում ես՝ ազատ արձակվի»․ Մանվել Գրիգորյանի պաշտպան Արսեն Մկրտչյանի կարծիքով ՀՀ արդարադատությունը դատական գործերի նկատմամբ արդեն երկար տարիներ նման մոտեցում է ցուցաբերում։
Ըստ նրա՝ Դատախազության կողմից որդեգրված միտումները երբևէ չեն փոխվում։ Ստացվում է, որ անձը Դատախազության կամ վարույթն իրականացնող մարմնի դեմ ամենամեծ մեղքը գործում է ոչ թե հանցագործություն կատարելիս, այլ այդ հանցագործության կատարումը մերժելիս։
«Մանվել Գրիգորյանն իր դրական ու բացասական հատկանիշներով ՀՀ ոչ մի քաղաքացուց չի տարբերվում, և իր քրեական գործի ընթացքում օգտագործվում են նույն ռազմավարությունները»,- ընդգծում է նախկին պատգամավորի պաշտպանը։
Դեկտեմբերի 21-ից ազատության մեջ գտնվող Մանվել Գրիգորյանը, ըստ պաշտպանի, չի խոչընդոտել դատական գործին, չի կատարել որևէ անթույլատրելի արարք։ Արսեն Մկրտչյանի խոսքով՝ բոլոր մեղադրանքները նախկին պատգամավորին կալանքի տակ վերցնելու համար են եղել, սակայն դրանցից շատերն 8 ամիս անց արդիական չեն։
«Մի հատ «կարողա»-ով չի կարելի մարդուն կալաքի տակ պահել»,- նշում է Արսեն Մկրտչյանը։
Մանվել Գրիգորյանի պաշտպանը նաև ավելացրեց, որ դատարանը հեռացել է որոշում կայացնելու, և այն կհրապարակի հունվարի 22-ին՝ կեսօրին։
Մանրամասները՝ տեսանյութում
Նելլի Մելքոնյան
