10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
«Մեղր, ճարպ, թանապուր, 7 տեսակի չոր ապուր». ի՞նչ է ավելանալու զինվորներին հատկացվող սննդում և ի՞նչ է փոխվել նրանց հանդերձանքում. ՏԵՍԱՆՅՈՒԹ
Հասարակություն
18.01.2019 | 17:32
Պաշտպանության նախարարությունն այսօր լրագրողներին ներկայացրեց զինվորներին հատկացվող սննդում և հանդերձանքում այն փոփոխությունները, որոնց մեկնարկը տրվել է 2018-ին, իսկ շարունակությունը կլինի արդեն 2019 թվականին։
ԶՈՒ թիկունքի պարենային ծառայության պետ, գնդապետ Արամ Մարգարյանը լրագրողների հետ զրույցում ասաց, որ այսուհետ զինծառայողներին կտրվի բնական մեղր, ճարպ, սխտոր, յոթ տեսակի չոր ապուր՝ առաջնագծում ծառայողների համար, և շաբաթական մեկ անգամ՝ թանապուր։ Հացի հետ միասին զինվորները կուտեն նաև լավաշ։
Փոփոխության է ենթարկվել նաև զինվորական համազգեստը. այն հիմա, նախկինի համեմատ, որակապես ավելի լավն է: Կենտրոնական իրային բազայի հրամանատար Վարդան Մարտիրոսյանը վստահեցրեց, որ համազգեստներն արդեն ավելի դիմացկուն կլինեն։
Նա նաև տեղեկացրեց, որ փոխվել է զինվորների ներքնազգեստի որակը. «Ավելի թանկ է և բամբակից»,- ասաց պաշտոնյան։
Մանրամասները՝ տեսանյութում
Լիլիթ Շաբոյան
