18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ՀՀ-ում ԱՄՆ դեսպանը սենատոր Ուայթհաուսին է ներկայացրել ՀՀ ներքաղաքական գործընթացների վերջին զարգացումները
Քաղաքականություն
18.01.2019 | 15:52
Հունվարի 17-ին ԱՄՆ-ում ՀՀ դեսպան Վարուժան Ներսեսյանը հանդիպեց Ռոդ Այլենդ նահանգի սենատոր Շելդոն Ուայթհաուսին: Դեսպան Ներսեսյանը շնորհավորեց սենատորին վերընտրման կապակցությամբ: Դեսպանը նաև երախտագիտություն հայտնեց սենատորին դեկտեմբերի 9-ին կայացած ՀՀ արտահերթ խորհրդարանական ընտրությունների կապակցությամբ ՀՀ վարչապետ Նիկոլ Փաշինյանին ուղղված շնորհավորական նամակի, ինչպես նաև Սենատում Հայոց ցեղասպանության ճանաչման գործում աջակցության համար:
Դեսպանը սենատոր Ուայթհաուսին ներկայացրեց ՀՀ ներքաղաքական գործընթացների վերջին զարգացումներն ու հայ-ամերիկյան գործակցության օրակարգային հարցերը: Դեսպանն ընդգծեց ՀՀ կառավարության պատրաստակամությունը ընդլայնելու և խորացնելու հայ-ամերիկյան հարաբերությունները` այդ հարցում կարևորելով անձամբ սենատորի և Սենատում Հայաստանի բարեկամների դերակատարումը:
Կողմերը բարձր գնահատեցին Ռոդ Այլենդում հայ համայնքի ակտիվ դերակատարումը նահանգային կյանքի ամենատարբեր բնագավառներում, ինչպես նաև հայ-ամերիկյան բարեկամական հարաբերությունների ամրապնդման գործում:
