16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ո՞ր Միքայել Մինասյանի մասին է խոսքը. Տիգրան Ուրիխանյանը հեգնում է. ՏԵՍԱՆՅՈՒԹ
Քաղաքականություն
18.01.2019 | 11:46
ԱԺ «Բարգավաճ Հայաստան» խմբակցության պատգամավոր Տիգրան Ուրիխանյանից Factor.am-ը հետաքրքրվեց՝ ինչպե՞ս է վերաբերում երեկ Սուրբ Աթոռում Հայաստանի նախկին դեսպան Միքայել Մինասյանի հնչեցրած այն տեսակետի հետ, որ Հայաստանի ժողովուրդը դեռ ոչ մեկին չի տվել Աժ-ում կամ դրանից դուրս ընդդիմություն լինելու իրավունքը:
«Ո՞ր Միքայել Մինասյանի մասին է խոսքը»,- ի պատասխան հարցին՝ հեգնեց Տիգրան Ուրիխանյանը, ապա պատասխան հարց հնչեցրեց՝ ինչո՞ւ պետք է քաղաքացու տեսակետը մեկնաբանի:
Միքայել Մինասյանը նաև ասել էր. «Ժողովուրդը ձայնը տվել է իշխող մեծամասնությանը, իսկ մյուս ուժերը ձայն են ստացել որպես «Իմ քայլին» կից ուժեր։ Ի վերջո գոնե նախընտրական շրջանում ո՛չ ԲՀԿ-ն, ո՛չ էլ «Լուսավոր Հայաստանն» առանձնապես չխոսեցին այն մասին, որ իրենք ընդդիմություն են «Իմ քայլին»՝ հաստատաբար գիտակցելով ու զգալով մարդկանց տրամադրությունները։ Իսկ ապագայում ընդդիմությունը դատապարտված է ձևավորվել ԱԺ-ից դուրս»:
Տիգրան Ուրիխանյանն այդուհանդերձ վստահեցրեց՝ լինելու է խիստ քննադատություն, եթե մարդկանց ակնկալիքները չբավարարվեն։
Մանրամասները՝ տեսանյութում:
