18.09.2026 | 12:10
Նիկոլ Փաշինյանը Գերմանիա է մեկնել // Ձերբակալվել է Հովիկ Աբրահամյանի եղբայրը․ ԼՈՒՐԵՐ
Միքայել Մինասյանի փորացավը հասկանում եմ. Արման Բաբաջանյան. ՏԵՍԱՆՅՈՒԹ
Քաղաքականություն
18.01.2019 | 11:43
Այն վնասը, որ տարիներ շարունակ Հայաստանի դիվանագետները հասցրել են արտաքին քաղաքականությանն ու դիվանագիտությանը, անդառնալի է։ Այս մասին խորհրդարանում Factor.am-ի հետ զրույցում ասաց «Լուսավոր Հայաստան» խմբակցության պատգամավոր Արման Բաբաջանյանը՝ անդրադառնալով երեկ Սուրբ Աթոռում Հայաստանի նախկին դեսպան Միքայել Մինասյանը լրատվամիջոցներից մեկին տված հարցազրույցին:
«Հիմա ժամանակն է սրբագրել իրավիճակը և արմատապես փոխել մոտեցումները։ Կարող եմ ենթադրել՝ ինչ նկատի ունի Միքայել Մինասյանը գուցե իր կողմից նշանակված դիվանագետների մասին։ Դրանցից մեկը Ռուսաստանում դեռևս պաշտոնավարող Վարդան Տողանյանն է, որի անունը ես հնչեցրել եմ և խոսել այն խնդիրների մասին, որոնք շարունակում են առկա մնալ Ռուսաստանում։ Ցավում եմ այդ գնահատականի համար, որ Միքայել Մինասյանը նոր Հայաստանի իրողությունը չի կարողացել ընկալել»,- նշեց Բաբաջանյանը։
Նշենք, որ Մինասյանը հայտարարել է՝ Հայաստանն ունի փայլուն դեսպաններ, դիվանագետների մի լուրջ բանակ, որոնք տասնամյակներ շարունակ, առնվազն մինչ այս պահը, պատվով են կատարել քաղաքական ղեկավարությունների կողմից դրվող խնդիրները:
«Լավ արտաքին քաղաքականություն ունենալու համար նախ պետք է սկսել դիվանագետի ինստիտուտը հարգելուց։ Այնպես որ, եթե արտաքին քաղաքական բլոկի նոր ուղին այդ ինստիտուտի վարկաբեկումից ենք որոշել սկսել, վախենամ` այս ոլորտում շատ հեռու չգնանք»,- ասել է Մինասյանը:
Մանրամասները՝ տեսանյութում։
