18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Այո՛, ցածր են աշխատավարձերը, դրանք բարձրացնել կարող ենք նաև օպտիմալացման միջոցով․ Մանե Թանդիլյան․ ՏԵՍԱՆՆՅՈՒԹ
Քաղաքականություն
18.01.2019 | 11:13
Ազգային ժողովի «Բարգավաճ Հայաստան» խմբակցության պատգամավոր Տիգրան Ուրիխանյանը Ֆինանսաբյուջետային հանձնաժողովի նախագահի թեկնածու Մանե Թանդիլյանից հետաքրքրվեց՝ կա՞ երկրում այնքան փող, որ ճգնաժամային իրավիճակներում, արժույթային շուկաներում արձանագրված ցնցումների դեպքում՝ մասնավորապես ռուբլու պարագայում, կարողանանք պահպանել դրամը։
Ի պատախան Մանե Թանդիլյանը պատասխանեց․ «Կենտրոնական բանկն ունի պահուստներ, և որքանով են դրանք բավարար, մենք պետք է այդ հարցն ուղղենք իրենց և ստանանք այդ տեղեկությունը»։
Տիգրան Ուրիխանյանի հաջորդ հարցը վերաբերում էր աշխատավարձերի և թոշակների բարձրացմանը․ վերջինս հանձնաժողովի նախագահի թեկնածուից հետաքրքրվեց, եթե Կառավարությունը հաջորդ տարվա բյուջով չնախատեսի աշխատավարձերի և թոշակների բարձրացում, արդյոք ինքը՝ որպես հանձնաժողովի նախագահ, կառաջարկի աշխատավարձերի և թոշակների բարձրացում։
«Այս տարի արդեն բարձրացել է 85 հազար քաղաքացու թոշակ և նպաստ։ Աշխատավարձերը բարձրացնելու ուղղակի մեխանիզմ Կառավարությունը չունի, բացի պետական աշխատողների աշխատավարձերը բարձրացնելուց, ինչի հաշվին էլ միջին աշխատավարձը բարձրանում է»,- ասաց Մանե Թանդիլյանը՝ շեշտելով, որ այո՛ աշխատավարձերը ցածր են, և դրանք կարող են բարձրացվել նաև օպտիմալացման արդյունքում։
Մանրամասները՝ տեսանյութում։
