09.06.2026 | 00:17
Մարկո Ռուբիոն շնորհավորել է Փաշինյանին
5-օրյա բուռն քննարկումներից հետ ԱԺ-ն ընտրեց 11 հանձնաժողովների նախագահներին․ ՏԵՍԱՆՅՈՒԹ
Քաղաքականություն
18.01.2019 | 15:17
Ազգային ժողովի հունվարի 18-ի նիստում տեղի ունեցավ ԱԺ 11 մշտական հանձնաժողովների նախագահների ընտրության քվեարկությունը։
«Իմ քայլը» խմբակցությունն ԱԺ-ում ունեցավ 8 մշտական հանձնաժողովի նախագահ․
Առողջապահության և սոցիալական հարցերի մշտական հանձնաժողովի նախագահի պաշտոնում ընտրվեց Նարեկ Զեյնալյանը,
Արտաքին հարաբերությունների մշտական հանձնաժողովի նախագահի պաշտոնում ընտրվեց Ռուբեն Ռուբինյանը,
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ ընտրվեց Մխիթար Հայրապետյանը,
Եվրոպական ինտեգրման հարցերի մշտական հանձնաժողովի նախագահ ընտրվեց Արման Եղոյանը,
Պաշտպանության և անվտանգության հարցերի մշտական հանձնաժողովի նախագահ ընտրվեց Անդրանիկ Քոչարյանը,
Պետական-իրավական հարցերի մշտական հանձնաժողովի նախագահ ընտրվեց Վլադիմիր Վարդանյանը,
Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ ընտրվեց Վարազդատ Կարապետյանը,
Տնտեսական հարցերի մշտական հանձնաժողովի նախագահ ընտրվեց Բաբկեն Թունյանը։
«Բարգավաճ Հայաստան» խմբակցությունն ունեցավ հանձնաժողովի 2 նախագահ
Տարածաշրջանային և Եվրասիական ինտեգրման հարցերի մշտական հանձնաժողովի նախագահ ընտրվեց Միքայել Մելքումյանը,
Մարդու իրավունքների պաշտպանության և հանրային հարցերի մշտական հանձնաժողովի նախագահ ընտրվեց Նաիրա Զոհրաբյանը։
«Լուսավոր Հայաստան» խմբակցությունն ունեցավ 1 մշտական հանձնաժողովի նախագահ
Ֆինանսավարկային և բյուջետային հարցերի մշտական հանձնաժողովի նախագահի պաշտոնում ընտրվեց Մանե Թանդիլյանը։
