19.01.2026 | 09:33
Սարավան-«Զանգեր» կոչվող հատվածում և Ջերմուկ քաղաքում բուք է
Լավ արտաքին քաղաքականություն ունենալու համար նախ պետք է սկսել դիվանագետի ինստիտուտը հարգելուց. Միքայել Մինասյան
Քաղաքականություն
18.01.2019 | 08:45
«Մենք ունենք փայլուն դեսպաններ, դիվանագետների մի լուրջ բանակ, որոնք տասնամյակներ շարունակ, առնվազն մինչ այս պահը, պատվով են կատարել քաղաքական ղեկավարությունների կողմից դրվող խնդիրները: Լավ արտաքին քաղաքականություն ունենալու համար նախ պետք է սկսել դիվանագետի ինստիտուտը հարգելուց։ Այնպես որ, եթե արտաքին քաղաքական բլոկի նոր ուղին այդ ինստիտուտի վարկաբեկումից ենք որոշել սկսել, վախենամ` այս ոլորտում շատ հեռու չգնանք»,- ֆեյսբուքի իր էջում գրել է Սուրբ Աթոռում նախկին դեսպան Միքայել Մինասյանը:
Հիշեցնենք, որ 7-րդ գումարման Ազգային ժողովում ԱԺ «Լուսավոր Հայաստան» խմբակցության պատգամավոր Արման Բաբաջանյանը ԱԺ ամբիոնից քննադատեց Ուկրաինայում նախկին դեսպան Անդրանիկ Մանուկյանին ու ի հակադրություն բարձր գնահատեց Սուրբ Աթոռում նախկին դեսպան Միքայել Մինասյանին, որը սուր քննադատությունների առիթ հանդիսացավ, քանի որ քաղաքական շրջանակներում Միքայել Մինասյանի անունը կապվում է «Լուսավոր Հայաստան» կուսակցության հետ:
Ինքը՝ Միքայել Մինասյանը, aysor.am-ի հետ զրույցում հերքել էր լուրը՝ նշելով, որ «հրամցված հերթական հորինվածքը հիմարություն է»:
Ի դեպ, «Լուսավոր Հայաստան» խմբակցության ղեկավար Էդմոն Մարուքյանն էլ էր շտապել տեղեկացնել, որ Արման Բաբաջանյանի հայտնած կարծիքը խմբակցության դիրքորոշումը չէ:
