18.10.2026 | 19:47
«Մեզ համար մեծ պատիվ է միանալ Հայաստանին»․ Կոլումբիայի ներկայացուցիչը՝ COP17-ում․ ՏԵՍԱՆՅՈւԹ
ԱՄՆ-ը հերթական անգամ զգուշացրել է Թուրքիա մեկնող իր քաղաքացիներին հնարավոր վտանգների մասին
Քաղաքականություն
17.01.2019 | 21:28
ԱՄՆ-ի արտգործնախարարությունը հերթական անգամ հայտարարություն է տարածել՝ Թուրքիա մեկնել ցանկացող իր քաղաքացիներին զգուշացնելով հնարավոր վտանգների մասին. փոխանցում է ermenihaber-ը:
Նախօրեին տարածված հայտարարության մեջ դեպի Թուրքիա ճամփորդության ռիսկը 3-րդ աստիճանի է գնահատվել: Սիրիային ու Իրաքին սահմանակից հատվածներում այդ ռիսկը գնահատվել է 4-րդ ամենաբարձր մակարդակի: Հայտարարության մեջ ԱՄՆ-ի քաղաքացիներին խորհուրդ է տրվել ընդհանրապես զերծ մնալ Սիրիայի ու Իրաքի հետ սահմանային շրջաններ այցելելուց:
Ամերիկացի զբոսաշրջիկներին տեղեկացվել է, որ ահաբեկչական գործողությունների հավանականությունը մեծ է հատկապես զբոսաշրջային նշանակություն ունեցող ու մարդաշատ վայրերում, ռեստորաններում, գիշերային ակումբներում, առևտրի կենտրոններում ու կրոնական նշանակության շինություններում:
ԱՄՆ-ի քաղաքացիներին զգուշացվել է նաև, որ չարտոնված բողոքի ցույցերին մասնակցությունը կամ կառավարությանը քննադատելը կարող է ձերբակալությամբ ավարտվել:
