16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
ՀՀԿ-ն գործադիր մարմնի նիստ կանցկացնի Սերժ Սարգսյանի գլխավորությամբ
Քաղաքականություն
17.01.2019 | 19:13
9Հանրապետական կուսակցությունը վաղը ժամը 18:00-ին գործադիր մարմնի նիստ կանցկացնի՝ կուսակցության նախագահ Սերժ Սարգսյանի մասնակցությամբ: Factor.am-ին փոխանցեց ՀՀԿ կազմակերպչական հանձնաժողովի նախագահ Ռուբեն Թադևոսյանը:
«Վերջին նիստն ունեցել ենք դեկտեմբերի 7-ին, հետո ընտրություններ էին, ապա տոնական օրեր, իսկ վաղն արդեն մենք նիստ կունենանք»,- ասաց Թադևոսյանը:
Factor.am-ի հարցին՝ ամեն շաբա՞թ են նիստեր ունենալու և Սերժ Սարգսյանը մասնակցելո՞ւ է, Ռուբեն Թադևոսյանը պարզաբանեց. «Գործադիր մարմնի նիստերը հրավիրում և անցկացնում է կուսակցության նախագահը՝ ըստ անհրաժեշտության»:
Հիշեցնենք՝ արտահերթ խորհրդարանական ընտրությունների արդյունքում երկար տարիներ իշխող ուժ հանդիսացող ՀՀԿ-ն դուրս մնաց խորհրդարանից՝ չհաղթահարելով անցողիկ շեմը:
Շողիկ Գալստյան
