03.04.2026 | 21:29
Էրդողանն ու Պուտինը Մերձավոր Արևելքում անհապաղ հրադադարի կոչ են անում
ԱԺ աշխատակազմի ղեկավար, ամենայն հավանականությամբ, կնշանակվի Տիգրան Գալստյանը. ՔՊ խոսնակ
Քաղաքականություն
17.01.2019 | 18:27
ԱԺ աշխատակազմի ղեկավար, ամենայն հավանականությամբ, կնշանակվի նախկին առաջին փոխվարչապետ Արարատ Միրզոյանի խորհրդական Տիգրան Գալստյանը։ Այս տեղեկությունը Factor.am-ի հետ զրույցում հաստատեց «Քաղաքացիական պայմանագիր» կուսակցության մամուլի խոսնակ Վահան Կոստանյանը:
Ինչ վերաբերում է մամուլում շրջանառվող լուրերին, որ ԱԺ աշխատակազմի ղեկավարի տեղակալի պաշտոնում նշանակվելու է Վահան Կոստանյանը, վերջինս հերքեց՝ ասելով, որ նման բան չկա:
Տիգրան Գալստյանը 2002–2003 թթ.-ին աշխատել է «ԻՄԷՔՍ ԳՐՈՒՊ» ՍՊԸ-ում՝ որպես խանութ-սրահի ղեկավար, 2003-2006 թթ.-ին դարձել է նույն ընկերության մարքեթինգային ուսումնասիրությունների գծով մասնագետ, այնուհետև՝ 2007-2008 «ԻՄԷՔՍ ԳՐՈՒՊ»-ի խորհրդի նախագահի օգնական և 2009-2018 թթ.-ին՝ ընկերության խորհրդի նախագահի աշխատակազմի ղեկավար:
2018թ. սեպտեմբերի 10-ին Տիգրան Գալստյանը նշանակվել էր առաջին փոխվարչապետ Արարատ Միրզոյանի խորհրդական:
