22.04.2026 | 23:30
ՀՀ տարածքում ավտոճանապարհները հիմնականում անցանելի են
«Իմա՜ստը». Վարազդատ Կարապետյանը չի հասկանում ինչու են հարցերով քրքրում ԱԺ հանձնաժողովների նախագահների թեկնածուներին․ ՏԵՍԱՆՅՈՒԹ
Քաղաքականություն
17.01.2019 | 18:42
Ազգային ժողովի Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահի թեկնածու Վարազդատ Կարապետյանը չի հասկանում հանձնաժողովների նախագահներին հարցերով քրքրելու իմաստը։
«Մի շատ կարևոր բան կա․ մենք արդեն չորս օր իրար հետ քննարկում ենք։ Եթե իրար գումարենք մեր այս չորս օրերի ընթացքում կատարած աշխատանքը և հաշվենք, որ յուրաքանչյուր հանձնաժողովի ընտրության գործընթացը կարող է տևել 7 օր, իսկ մենք ընտրում ենք 15 մարդ՝ ԱԺ հանձնաժողովների նախագահներ և ԱԺ ղեկավար կազմ, ապա այդ ընտրությունների վրա կծախսենք 105 օր և դա այն դեպքում, երբ հանձնաժողովների նախագահների ընտրության հարցը որոշված է․ խմբակցություններն այս հարցն արդեն լուծել են։ Հիմա հարցի երկրորդ մասը՝ ի՞նչ կարևորություն ունի, թե հանձնաժողովի նախագահի թեկնածուն ինչ կարծիք ունի այս կամ այն հարցի վերաբերյալ, եթե հանձնաժողովներում այդ որոշումները կայացվելու են քվեարկության արդյունքում»,- իր մտահոգություններն ԱԺ ամբիոնից հնչեցրեց Վարազդատ Կարապետյանը։
«Հիմա այս մարդկանց, որ դրել քրքրում ենք բոլոր հարցերի վերաբերյալ, սրա իմաստը ո՞րն ա»,- ասաց Կարապետյանը։
Վերջինս նաև պատգամավորներին խորհուրդ տվեց կարդալ Ազգային ժողովի կանոնակարգ օրենքի 13-րդ հոդվածը և տեսնել, որ հանձնաժողովի նախագահն ընդամենը կանոնակարգող գործառույթներ ունի։
Մանրամասները՝ տեսանյութում։
