22.04.2026 | 22:45
Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար
Հրանտ Մարգարյանի տեղը ավելի զգույշ կլինեի. Միքայել Զոլյան. ՏԵՍԱՆՅՈՒԹ
Քաղաքականություն
17.01.2019 | 17:56
Մենք ունենք շատ մեծ վստահության պաշար, և ես հույս ունեմ, որ հինգ տարի հետո այդ վստահության պաշարը կպահպանվի: Հունվարի 17-ին ԱԺ-ում լրագրողների հետ զրույցում ասաց «Իմ քայլը» խմբակցության անդամ Միքայել Զոլյանը՝ պատասխանելով ՀՅԴ Բյուրոյի ներկայացուցիչ Հրանտ Մարգարյանի հայտարարության մասին հարցին: Հիշեցնենք, որ Մարգարյանը հայտարարել է, թե հաջորդ ընտրություններին ՀՅԴ-ն տուն է ուղարկելու այս իշխանությանն ու ստանձնելու է երկրի ամբողջական ղեկավարման գործը:
«Ի վերջո՝ ՀՀ քաղաքացին է որոշողը: Եթե ՀՀ քաղաքացին կքվեարկի պարոն Մարգարյանի օգտին, ինչը ես քիչ հավանական եմ համարում, մենք այդ որոշումը կընդունենք: Մեզ համար կարևոր պետք է լինի ոչ թե տուն գնալ կամ չգնալը, այլ մեր ծրագրերը իրականացնելը: Եթե մենք մեր ծրագրերն իրականացնենք, մեր աշխատանքը լավ անենք, կարծում եմ՝ քաղաքացիները հինգ տարի անց դա կգնահատեն և կքվեարկեն մեզ: Եթե մենք սխալներ անենք և քաղաքացիները մեզ պատժեն, մենք դա կընդունենք, բայց պետք է ամեն ինչ անենք, որպեսզի մեր աշխատանքը հաջողությամբ պսակվի»,- հավելեց Միքայել Զոլյանը:
Դիտարկմանը, թե Հրանտ Մարգարյանն ասում է՝ նոր իշխանությունները չեն կարող աշխատել, որովհետև անփորձ են, անորակ կադրերով իշխանությունը երկիրը դեպի հետ է տանում, պատգամավորը պատասխանեց. «Դա իր գնահատականն է: Բնական է, որ ընդդիմությունը, այն էլ՝ ոչ խորհրդարանական, պետք է քննադատի: Բայց ես իր տեղը մի քիչ ավելի զգույշ կլինի այս քննադատության մեջ, որովհետև այս խորհրդարանին և այս կառավարությանը ժողովուրդն է ընտրել»:
Մանրամասները՝ տեսանյութում
