04.09.2026 | 10:00
Թուրքիան և Ադրբեջանը օգնում են ԱՄՆ-ին, որպեսզի Իրանը տնտեսական հետևանքներ կրի․ Վենս
«Լուսավոր Հայաստանը» Ալեն Սիմոնյանից վրե՞ժ է լուծում. ովքեր են Սիմոնյանին դեմ քվեարկողները
Քաղաքականություն
17.01.2019 | 16:16
Factor.am-ի տեղեկություններով՝ Ազգային ժողովի փոխնախագահների ընտրության ժամանակ Ալեն Սիմոնյանի թեկնածությանը 20 դեմ քվեարկողներից 18-ը «Լուսավոր Հայաստան» խմբակցության պատգամավորներն են։
Հիշեցնենք՝ Ազգային ժողովի փոխնախագահներ են ընտրվել Լենա Նազարյանը, Ալեն Սիմոնյանը և Վահե Էնֆիաջյանը, ԱԺ նախագահ՝ Արարատ Միրզոյանը։ Նրանք ստացել են համապատասխանաբար 124, 109, 108 և 131 ձայն։
Factor.am-ը փորձեց պարզաբանում ստանալ Ալեն Սիմոնյանից, թե ինչո՞ւ են «Լուսավոր Հայաստան» խմբակցության պատգամավորներն իրեն դեմ քվեարկել, Սիմոնյանն ասաց. «Պատճառը կարող է լինել այն, որ վերջերս իրենց շատ եմ քննադատել, գուցե այդպես վրեժ են լուծել, եթե ձեր տեղեկությունը իրականություն է»:
«Լուսավոր Հայաստան» խմբակցության քարտուղար Գևորգ Գորգիսյանն էլ մեզ հետ զրույցում հակիրճ ասաց՝ մեր տեղեկությունը որևէ կերպ չի մեկնաբանի, քանի որ եղել է փակ գաղտնի քվեարկություն:
Շողիկ Գալստյան
