02.07.2026 | 23:29
Կալանավորվել է գնդապետ Էդիկ Մալոյանը
Գաղտնալսել են գործարարներն իրենց սիրուհիներին․ պետությունը պետք է իմանա՝ ով նման հնարավորություն ունի․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
17.01.2019 | 14:53
«Եթե գատնալսում են ինձ և ՀՔԾ պետին, շատ հնարավոր է, որ գաղտնալսեն նաև նախագահին, պաշտպանության նախարարին, վարչապետին․ այսպիսի հայտարարություն է արել ԱԱԾ տնօրենը անցյալ տարի սեպտեմբերի 11-ին։ Ուղիղ երեք օր անց ՀՀ ոստիկանապետը չի բացառել, որ իրեն էլ կարող են գաղտնալսել։ Ի՞նչ եք կարծում, ՀՀ քաղաքացին նման հայտարարություններից հետո մտահոգվելու բան ունի՞»,-այսօր ԱԺ Պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանից հետաքրքրվեց ԼՀԿ-ական պատգամավոր Արման Բաբաջանյանը։
Հարցերին ի պատասխան՝ Անդրանիկ Քոչարյանը նկատեց․ «Գաղտնալսման փաստը շատ վատ է, և մեր պետականությունը ստացավ հարված։ Դրա լավագույն լուծումը պետք է լիներ գաղտնալսողին արագ հայտնաբերելը, սակայն դա բարդ խնդիր է։ Բայց պետք է բացահայտվի, թե ՀՀ-ում նման հնարավորություն ունեցող ինչպիսի՞ կառույցներ կան։ Օրինակ՝ նախկին իշխանությունները ոչ միայն օգտագործում էին մոնոպոլ դիրք ունեցող Ազգային անվտանգության ծառայության հնարավորությունները, այլ նաև իրենք պետությանը զուգահեռ ստեղծել էին իրենց գաղտնալսող համակարգերը, օրինակ, Մաքսային ծառայությունում»։
Անդրանիկ Քոչարյանը հիշեցրեց, որ բազմիցս իր հարցազրույցներում անդրադարձել է Մաքսային ծառայության նախկին պետ Արմեն Ավետիսյանի ժամանակ ձեռքբերված տեխնիկական միջոցների և նրա անվտանգության համակարգի կողմից դա օգտագործելու խնդրին։
«Դա պետք է բացառվի։ Պետությունը պետք է իմանա՝ նման համակարգեր ունեն նաև մեծահարուստ գործարարները, այլ պետական կառույցները, որոնց տրվել են այդ հնարավորությունները մեկը մյուսի սիրուհիներին գաղտնալսելու համար»,- ասաց Անդրանիկ Քոչարյանը։
Մանրամասները՝ տեսանյութում։
