16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Արման Փաշիկյանը և Մարիա Գևորգյանը շարունակում են պահպանել առաջատարի դիրքերը
17.01.2019 | 13:36
Մրցաշարերի ավարտին մնացել է 4 տուր. գրում է chessfed.am-ը:
Երեկ տեղի ունեցան Հայաստանի տղամարդկանց և կանանց առաջնությունների 5-րդ տուրի պարտիաները: Տղամարդկանց մրցաշարի առաջատար Արման Փաշիկյանը սև խաղաքարերով կարողացավ ոչ-ոքի խաղալ Մանուէլ Պետրոսյանի հետ: Փաշիկյանի երկու հետապնդողները՝ Զավեն Անդրիասյանը և Տիգրան Պետրոսյանը պարտվեցին համապատասխանաբար Ռոբերտ Հովհաննիսյանին և Սամվել Տեր-Սահակյանին: Հայկ Մարտիրոսյանը ոչ-ոքի խաղաց Շանթ Սարգսյանի հետ, իսկ Արամ Հակոբյանը հաշտություն կնքեց Տիգրան Հարությունյանի հետ:
5-րդ տուրից հետո Արման Փաշիկյանը 4 միավորով գլխավորում է աղյուսակը: Սամվել Տեր-Սահակյանը Փաշիկյանին զիջում է 1 միավոր և գտնվում է 2-րդ հորիզոնականում: 5 շախմատիստ՝ Ռոբերտ Հովհաննիսյանը, Հայկ Մարտիրոսյանը, Արամ Հակոբյանը, Զավեն Անդրիասյանը և Տիգրան Պետրոսյանը 2.5-ական միավորով կիսում են 3-7-րդ հորիզոնականները: Մանուէլ Պետրոսյանը և Տիգրան Հարությունյանը 2-ական միավորով գտնվում են 8-9-րդ հորիզոնականներում, իսկ Շանթ Սարգսյանը 2 միավորով եզրափակում է աղյուսակը:
Կանանց մրցաշարի 5-րդ տուրում միանձնյա առաջատար Մարիա Գևորգյանը տոնեց 4-րդ հաղթանակը: Հաղթանակներ տոնեցին նաև Գևորգյանին հետապնդող Սիրանուշ Ղուկասյանը և Սուսաննա Գաբոյանը: Տուրը հաղթական էր նաև Արփինը Գրիգորյանի համար:
Ցավոք, առողջական խնդիրների պատճառով մրցաշարը չի շարունակի Հայաստանի գործող չեմպիոն Մարիա Կուրսովան և նրա մինչ այս խաղացված պարտիաների արդյունքները հաշվի չեն առնվի:
5-րդ տուրից հետո Մարիա Գևորգյանը 4.5 միավորով գլխավորում է աղյուսակը: Սիրանուշ Ղուկասյանը և Սուսաննա Գաբոյանը վաստակել են 3-ական միավոր և կիսում են 2-3-րդ հորիզոնականները, սակայն ի տարբերություն Գևորգյանի նրանք մեկ պարտիա քիչ են խաղացել և կորցրած միավորներով առաջատարին զիջում են միայն կես միավորով:
Այսօր տեղի կունենա մրցաշարի 6-րդ տուրը:
