12.03.2026 | 23:35
Վթար Երասխ-Երևան ավտոճանապարհին․ կան տուժածներ
Եթե ուտիլիզացիայի վրա կենտրոնանանք, պետք է հետ գնանք, ձիերով երթևեկենք. թեժ քննարկում կառավարությունում
Քաղաքականություն
17.01.2019 | 13:35
ՀՀ Կառավարությունն այսօրվա նիստում քննարկեց և հավանության արժանացրեց Հարկային օրենսգրքում լրացումներ կատարելու մասին օրենքի նախագիծը, որով առաջարկվում է ավելացված արժեքի հարկից ազատել էլեկտրական շարժիչով աշխատող մեքենաների ներմուծումը մինչև 2022 թվականը: Բնապահպանության նախարարի պաշտոնակատարի տեղակալ Իրինա Ղափլանյանը տեղեկացրեց՝ 2017 թվականի հոկտեմբերի 1-ի դրությամբ ներմուծվել է 23 էլեկտրամեքենա, իսկ 2018 թվականին՝ 33:
Փոխնախարարի տեղակալը խոսեց այն դրական ակնկալիքներից, որոնք սպասվում են նախագծի ընդուման դեպքում։
Այդուհանդերձ, նախագծի ընդումանը դեմ արտահայտվեց Ֆինանսների նախարարի պաշտոնակատար Ատոմ Ջանջուղազյանը՝ առաջարկելով հարցը ևս մեկ անգամ քննարկել։
«Դեռ միանշանակ չէ, որ սա սպառողի վարքագծի վրա ամենամեծ ազդեցություն ունեցող գործոնն է: Ընդամենը ենթադրություն է, որ ԱԱՀ-ից ազատելը կավելացնի ներմուծվող էլեկտրամոբիլների թիվը: Նույն էլեկտրամոբիլների էներգիան ստացվում է ոչ մաքուր աղբյուրներից: Խնդիր կա նաև այդ մեքենաների շարժիչների առումով, քանի որ որոշ ժամանակ անց ուտիլիզացման խնդիր է առաջանալու: Ավելի շատ տպավորություն է, որ առաջնորդվում ենք ժամանակակից թրենդով, քան հստակ հաշվարկով»,- շեշտեց ֆինանսների նախարարի պաշտոնակատարը՝ հավելելով, որ հարկային արտոնություններին պետք խնամքով մոտենալ։
Ավելի քան կես ժամ տևած քննարկման ընթացքում տեսակետներ հնչեցրեցին մի շարք նախարարներ՝ պաշտպանելով բնապահպանության նախարարության առաջարկը։
Նախագիծն ի վերջո ընդունվեց։
Մանրամասները՝ տեսանյութում։
