08.02.2026 | 15:29
Իտալիայի իշխանությունները հաղորդել են Օլիմպիական խաղերի առաջին օրը երկաթուղային դիվերսիաների մասին
Լեռնային Ղարաբաղի հետ ռազմական փոխօգնության պայմանագրի անհրաժեշտություն այս պահին չեմ տեսնում․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
17.01.2019 | 13:47
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր Պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանից հետաքրքրվեց՝ արդյոք Հայաստանն ունի՞ Լեռնային Ղարաբաղի հետ ռազմական փոխօգնության պայմանագիր ստորագրելու անհրաժեշտություն՝ հիշեցնելով, որ 2016 թվականի ապրիլյան պատերազմի առաջին օրն այդ պայմանագրի անհրաժեշտության մասին Ազգային անվտանգության նիստում ասել էր ՀՀ 3-րդ նախագահ Սերժ Սարգսյանը։
Հարցին ի պատասխան՝ Անդրանիկ Քոչարյանը նշեց․ «Այս պահին պայմանագրի անհրաժեշտություն ես չեմ տեսնում, որովհետև ՀՀ-ն պետք է լինի Արցախի անվտանգության ապահովման երաշխավորը, դրանով ասված է ամեն ինչ։ Այդ հարաբերություններով մենք ունեցել ենք հաջողություններ, չեմ ուզում, որ միջազգային հարթակում էլ ստեղծենք պրոբլեմներ, որովհետև մենք մեր ներքին խնդիրները կարողանում ենք լուծել, եթե խառնակիչներն արանքում չփորձեն խառնակել»։
Մանրամասները՝ տեսանյութում։
