07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Հասել ենք նրան, որ հեղափոխությանը սատարած թերթի խմբագիրն է դժգոհում իշխանություններից․ Էդմոն Մարուքյան․ ՏԵՍԱՆՅՈՒԹ
Քաղաքականություն
17.01.2019 | 12:18
Ազգային ժողովի «Լուսավոր Հայաստան» խմբակցության ղեկավար էդմոն Մարուքյանն ԱԺ ամբիոնից այսօր խոսեց Հայաստանում մարդու իրավունքների խախտումների դեպքերի մասին և շեշտեց, որ դրանց հեղափոխական գործադիր իշխանությունը պետք է շատ հստակ արձագանքի։
«Պետք է հստակ ձևակերպումներ տան, որ, օրինակ, դատարանները ՀՀ-ում պետք է անկախ լինեն, փաստաբաններն էլ՝ պաշտպանված պետության կողմից։ Փաստաբանը պետք է տեսնի, որ ինքը պաշտպանված է, և դա պետք է լինի ոչ միայն հայտարարությունների տեսքով, այլ կոնկրետ գործողությունների։ Էդ, որ շատ ուրախացել ենք, որ նախկին իշխանությունների ներկայացուցիչների դեմ քրեական գործեր են հարուցված, կարո՞ղ է այնքան անենք, որ փաստաբանները հրաժարվեն պաշտպնել, այս մարդիկ էլ գործերը դեռ չսկսած կրեն եվրոպական դատարանում։ Հասել ենք նաև նրան, որ թերթի խմբագիր է դժգոհում իշխանություններից, բնականաբար, հեղափոխության սատարած թերթի խմբագիր»,- ասաց Էդմոն Մարուքյանը։
Պատգամավորը նշեց, որ Մարդու իրավունքների խախտումների վերաբերյալ որևէ բանի դեմ կանգ չի առնելու և զգուշացրեց, որ իր բարձրաձայնած խնդիրների մասին միջազգային կառույցները զեկույցների տեսքով են խոսելու մեզ հետ:
«Ուռա-ուռա ասելով, գնալու ենք խայտառակ լինենք, էս ուր ենք գնում»,- ասաց նա։
Մանրամասները՝ տեսանյութում։
