02.07.2026 | 20:10
Զելենսկին հայտարարել է, որ Ռուսաստանը պատասխան կստանա Կիևի վրա զանգվածային հարվածի համար
Արման Եղոյանը չի մտահոգվում. ՏԵՍԱՆՅՈՒԹ
Քաղաքականություն
17.01.2019 | 11:15
ԱԺ պատգամավոր, վարչապետի նախկին խոսնակ Արման Եղոյանը համաձայն չէ կարծիքին, թե իշխանությունը, այդ թվում՝ վարչապետ Նիկոլ Փաշինյանը ոտնձգություն են կատարում լրատվամիջոցների նկատմամբ:
«Ոտնձգություն ասելով՝ ես հասկանում եմ վարչական ռեսուրսի կիրառում, երբ պետական ապարատն իր վարչական լծակներով խոչընդոտի մամուլի գործունեությունը: Ես չեմ պատկերացնում, թե ինչպես կարող է ՀՀ քաղաքացիներից մեկի, եթե անգամ այդ քաղաքացին վարչապետն է, արտահայտած կարծիքն այս կամ այն հրապարակման վերաբերյալ լինի ոտնձգություն: Այսինքն՝ մամուլը կարող է լինել ազատ, իսկ ՀՀ քաղաքացիներից մեկը չի՞ կարող»,- խորհրդարանում Factor.am-ի հետ զրույցում ասաց Արման Եղոյանը:
Դիտարկմանը, թե վարչապետը պետական պաշտոնյա է, Եղոյանն արձագանքեց. «Պետական պաշտոնյաների իրավունքներն ավելի քիչ չեն, քան ՀՀ քաղաքացու իրավունքները: Պետական պաշտոնյան չի կարող զրկվել իր մարդու և քաղաքացու իրավունքներից: Իսկ խոչընդոտել ես կհասկանայի, եթե քայլեր արվեին՝ մամուլի այս կամ այն հրապարակումը թույլ չտալու համար»:
Մանրամասները՝ տեսանյութում
