22.04.2026 | 23:30
ՀՀ տարածքում ավտոճանապարհները հիմնականում անցանելի են
Ձեր խմբակցությունում կարծրատիպերը կոտրվե՞լ են․ Գայանե Աբրահամյանը՝ Նաիրա Զոհրաբյանին․ ՏԵՍԱՆՅՈՒԹ
Քաղաքականություն
17.01.2019 | 11:09
Ազգային ժողովի «Իմ քայլը» խմբակցության պատգամավոր Գայանե Աբրահամյանը Մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածու Նաիրա Զոհրաբյանից այսօր հետաքրքրվեց՝ արդյոք նրա քաղաքական թիմում կարծրատիպերը կոտրվե՞լ են՝ հիշեցնելով, որ նախորդ տարի Նաիրա Զոհրաբյանի քաղաքական թիմից 6 ձեռնպահ քվեարկություն է եղել Ընտանեկան բռնության մասին օրենքի քվեարկության ժամանակ։
Ի պատասխան՝ Նաիրա Զոհրաբյանն ասաց. «Ես չեմ հավակնում ասել, որ մեր հանձնաժողովը կոտրելու է մեր ընկալման մեջ եղած բոլոր կարծրատիպերը, իսկ մեր խմբակցության անդամները իրենց տեսակետը, եթե պահպանում են՝ դա իրենց խնդիրն է»:
Նաիրա Զոհրաբյանը նշեց, որ կարծրատիպերի մասին հարցը բավականին ցավոտ հարցերից մեկն է իր համար։
«Դուք բարձրացնում եք հարց՝ բավական ցավոտ։ Այո՛, իմ ընտանիքի ներսում էլ տարբեր խնդիրների վերաբերյալ տարատեսակ ընկալումներ կան, այո՛, իմ բազմաթիվ գործընկերներ շարունակում են մնալ իրենց տեսակետին, սակայն մենք պետք է գնանք կարծրատիպերը կոտրելու ճանապարհով։ Մենք պետք է փորձենք նաև հասարակական սեկտորին ակտիվորեն ներգրավելով այդ աշխատանքը տանել»,- ասաց նա։
Մանրամասները՝ տեսանյութում։
