12.10.2026 | 11:13
Ավինյանը կարգադրեց տուգանել թեթև վթարից հետո 15 րոպեից ավելի ճանապարհը փակող վարորդներին․ ՏԵՍԱՆՅՈՒԹ
Վերջին օրերին H1N1 վիրուսով պայմանավորված մահացության դեպք չի գրանցվել․ Արսեն Թորոսյան. ՏԵՍԱՆՅՈՒԹ
Հասարակություն
16.01.2019 | 19:43
ՀՀ առողջապահության նախարարի պաշտոնակատար Արսեն Թորոսյանը ֆեյսբուքյան ուղիղ եթերով խոսել է սուր շնչառական վարակի վիճակի մասին։ Տեղեկատվությունն ամենօրյա ռեժիմով է թարմացվում և նախարարը խոստացավ հնարավորության սահմաններում քաղաքացիներին շարունակաբար թարմ տեղեկություն տրամադրել։
Անդրադառնալով երեխաների հաճախելիության հարցին, նախարարը նշեց, որ բացակայությունները 2,4%-ի են հասնում։ Թե՛ Երևանում, թե՛ մարզերում թիվը գրեթե նույնն է։
Հիվանդանոցներում բուժում ստացող հիվանդների թիվը, նախարարի խոսքով, անկում է ապրում։ Հատկապես երեխաների դեպքում՝ սուր շնչառական վարակով ախտահարված երեխաների թիվը 50-ով պակասել է։
Անկում են ապրել նաև վերակենդանացման բաժնում գտնվող հիվանդների, ինչպես նաև շտապօգնության կանչերի թվերը։ Այս ամենը, ըստ նախարարի, հիվանդության նահանջի մասին է վկայում։
Համեմատելով նախորդ տարվա տվյալների հետ, Արսեն Թորոսյանն ընդգծեց, որ թվերը գրեթե չեն տարբերվում։ Հիմնական տարբերությունը թոքաբորբով հիվանդների թվի մեջ է։ Նախարարը սա բացատրում է ջերմաստիճանի անկմամբ։
Խոսելով սոցիալական ցանցերում մահացության դեպքերի մասին գանգատներից, Արսեն Թորոսյանը նշեց, որ վերջին օրերին H1N1 վիրուսով պայմանավորված մահացության դեպք դեռ չի գրանցվել։
