10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Անի Սամսոնյանն Արման Եղոյանից աշխատանքային պլան պահանջեց․ ՏԵՍԱՆՅՈՒԹ
Քաղաքականություն
16.01.2019 | 18:11
Ազգային ժողովում շարունակվում են մշտական հանձնաժողովների նախագահների թեկնածությունների քննարկումները։
Եվրոպական ինտեգրման հարցերի մշտական հանձնաժողովի նախագահի պաշտոնի համար առաջադրված Արման Եղոյանից «Լուսավոր Հայաստան» խմբակցության պատգամավոր Անի Սամսոնյանը աշխատանքային պլան պահանջեց: «Ես ուզում եմ Ձեզանից լսել, թե ինչից եք մեկնարկելու ձեր աշխատանքը»,- անդրադառնալով ՀՀ-ԵՄ համաձայնագրի վավերացմանն ասաց Սամսոնյանը։
Ի պատասխան Արման Եղոյանն ասաց, որ այդ համաձայնագրի արդեն 80 տոկոսը մտել է ուժի մեջ։
«Դա վերաբերում է այն ոլորտներին, որոնց ուժի մեջ մտնելու համար անհրաժեշտ չէ եվրոպական բոլոր երկրների կողմից վավերացում, ինչն անհրաժեշտ է մնացած 20 տոկոսի համար։ Ուժի մեջ մտած դրույթների մասով բոլորովին վերջերս կազմվել է ճանապարհային քարտեզ հետևյալ բլոկով՝ առևտրի, կլիմայի, արդարադատության, տարածքային զարգացան, սպառողների շահերի պաշտպանության և միգրացիոն։ Այս ոլորտներին առնչվող դրույթները կարող են ուժի մեջ մտնել առանց սպասելու եվրոպական 28 պետությունների համաձայնությանը։ Ժամկետները արդեն սահմանված են, դրանք ինձ մոտ կան և կարող եմ այն Ձեզ տրամադրել։ Ինչ վերաբերում է աշխատանքային պլանին, ապա մեր աշխատանքները մենք սկսելու ենք փորձագետների հետ աշխատանքով»,- ասաց Եվրոպական ինտեգրման հարցերի մշտական հանձնաժողովի նախագահի թեկնածուն։
Մանրամասները՝ տեսանյութում:
