19.01.2026 | 11:33
Նորբերտո Բալեկյանը տեղափոխվել է «Բարակաս Սենտրալ»
ՀՀ-ում դատաիրավական համակարգի լուրջ բարեփոխման անհրաժեշտություն կա. Խաչատուր Մարոզյան. ՏԵՍԱՆՅՈՒԹ
Հասարակություն
16.01.2019 | 17:08
Հայաստանում հասարակությունը հիվանդ է «անվստահություն» կոչվող հիվանդությամբ: Հունվարի 16-ին հրավիրված ասուլիսում նման կարծիք հայտնեց «Իրավաբանների և հոգեբանների միջազգային ասոցիացիա» ՀԿ նախագահ Խաչատուր Մարոզյանը:
«Հասարակության մեջ մթնոլորտը շատ լարված է. անվստահություն, մարդուն չօգնելու հոգեբանական կոմպլեքս, չասեմ ավելին՝ թշնամանալու… մի այսպիսի անտանելի իրավիճակում ենք ապրում այսօր: Սա, առաջին հերթին, իրավապահ համակարգի և դատարանների արատավոր գործունեության հետևանքն է»,- ասաց նա:
Խաչատուր Մարոզյանն ասաց՝ միամիտ չէ, որ հավատա, որ այն դատավորները, որոնք տասնյակ տարիներ կոռուպցիայով և այլ մեխանիզմներով «արդարադատություն» են իրականացրել, նրանք պետք է փոխվեն: «Նրանք չեն կարող փոխվել: Մենք ոչ թե պետք է կտրատենք այդ մոլախոտերը, այլ պետք է արմատախիլ անենք: Դատաիրավական համակարգի լուրջ բարեփոխման անհրաժեշտություն կա»,- հայտարարեց Մարոզյանը:
Մանրամասները՝ տեսանյութում
