16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ռոբերտ Քոչարյանի կալանքը երկարաձգելու միջնորդության վերաբերյալ որոշումը կհրապարակվի հունվարի 18-ին. ՏԵՍԱՆՅՈՒԹ
Հասարակություն
16.01.2019 | 15:27
Երևանի ընդհանուր իրավասության դատարանը դատավոր Արթուր Մկրտչյանի նախագահությամբ հեռացավ խորհրդակցական սենյակ՝ ՀՔԾ-ի միջնորդության՝ երկրորդ նախագահ Ռոբերտ Քոչարյանի կալանքը երկու ամսով երկարաձգելու վերաբերյալ որոշում կայացնելու։ Այս մասին լրագրողների հետ զրույցում ասաց դատախազ Վահագն Մուրադյանը։
Դատարանը որոշումը կհրապարակի հունվարի 18-ին։ Քոչարյանի պաշտպան Արամ Օրբելյանը լրագրողների հետ զրույցում ասաց, որ դատարանին են ներկայացրել ինչպես «Մարտի 1»-ի դեպքերի վերաբերյալ տեսանյութեր, այնպես էլ այդ դեպքերի առնչությամբ հարուցված քրեական գործերի վերաբերյալ նյութեր, ու նաև ՀՔԾ պետի, ԱԱԾ տնօրենի և վարչապետի խոսակցությունների գաղտնալսման ձայնագրությունները:
Հիշեցնենք, որ Ռոբերտ Քոչարյանը կալանավորվել է դեկտեմբերի 7-ին, երբ Վերաքննիչ դատարանը անփոփոխ թողեց նախկին նախագահին կալանավորելու Առաջին ատյանի դատարանի որոշումը: Պաշտպանները վճռաբեկ բողոք են ներկայացրել: Վճռաբեկ դատարանը երեք ամսվա ընթացքում պետք է որոշում կայացնի` վարույթ ընդունել-չընդունելու մասին, իսկ մինչ այդ նաև գրավի դիմաց ազատ արձակելու միջնորդություն են ներկայացրել:
Երևանի ընդհանուր իրավասության դատարանը Ռոբերտ Քոչարյանի նկատմամբ կալանքը որպես խափանման միջոց ընտրել էր հուլիսի 27-ին: Օգոստոսի 13-ին, սակայն, Վերաքննիչ դատարանը վերացրել էր Առաջին ատյանի դատարանի այդ որոշումը՝ Սահմանադրությամբ նախագահին տրված անձեռնմխելիության հիմքով: Նոյեմբերի 15-ին Վճռաբեկ դատարանը գործն ուղարկել էր Վերաքննիչ ատյան՝ նոր քննության, որի արդյունքում երկրորդ նախագահը կրկին կալանավորվել է: Քոչարյանը մեղադրվում է «Մարտ 1»-ի գործով սահմանադրական կարգը տապալելու մեջ։
Մանրամասները՝ տեսանյութում:
Լիլիթ Շաբոյան
