10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Մշակույթի և սպորտի նախարարություններից տասնյակ անգամ ավելի շատ գումար է տրվում մայրաքաղաքին, քան մնացած քաղաքներին․ Վարդան Ղուկասյան․ ՏԵՍԱՆՅՈՒԹ
Քաղաքականություն
16.01.2019 | 15:17
Տասնյակ տարիներ Գյումրու քաղաքապետարանից սնվել է 15 սպորտդպրոց, 7 երաժշտական դպրոց, 4 թանգարան և 1 տիկնիկային թատրոն և քաղաքի 3 մլրդ դրամ բյուջեի 30-40 տոկոսը գնում է այդ ոլորտի աշխատավարձերին։
Այս մասին այսօր Ազգային ժողովում դիմելով ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի թեկնածու Մխիթար Հայրապետյանին, ասաց «Բարգավաճ Հայաստան» խմբակցության պատգամավոր Վարդան Ղուկասյանը։
«Ստացվում է՝ հանրապետության բյուջեից՝ Մշակույթի և սպորտի նախարարությունից տասնյակ անգամ ավելի շատ գումար է տրվում մայրաքաղաքին, քան մնացած քաղաքներին։ Ամբողջ ՀՀ քաղաքներն ու գյուղերը միասին այդքան գումար չեն ստանում, որքան մայրաքաղաքը»,- ասաց ԲՀԿ-ական պատգամավորը։
Նրա հարցին ի պատասխան Հայրապետյանը նշեց, որ ինքը կիսում է բարձրաձայնված մտահոգությունը, ուստի առաջիկայում մարզային զարգացման ռազմավարության ծրագիր են առաջ քաշելու. «Այդ ծրագրով մենք կարող ենք օրենսդրական դաշտով բյուջետային ֆինանսավորում նախատեսել, որով, օրինակ, Շիրակի մարզին կարող է ինչ-որ տոկոսով ավելի շատ ֆինանսավորում հատկացվել»։
Մանրամասները՝ տեսանյութում։
