16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Սերգեյ Լավրովը՝ Ադրբեջանում Մարատ Ուելդանով-Գալուստյանի ազատազրկման մասին
Քաղաքականություն
16.01.2019 | 14:40
ՌԴ ԱԳ նախարար Սերգեյ Լավրովը հունվարի 16-ին հրավիրած ասուլիսում անդրադարձել է Ադրբեջանում դատապարտված Ռուսաստանի հայազգի քաղաքացի Մարատ Ուելդանով-Գալուստյանի շուրջ ստեղծված իրավիճակին:
«Մեր քաղաքացիներին վերաբերող հարցերը, որոնք դժվարին վիճակում են հայտնվում ցանկացած երկրում, կանոնավորապես շոշափվում են մեր երկկողմ շփումների ընթացքում»,- ասել է Լավրովը, հաղորդում է ՌԻԱ Նովոստին:
Նա հավելել է, որ Մարատ Ուելդանով-Գալուստյանի թեման բարձրաձայնվել է ադրբեջանցի գործընկերների հետ վերջին բանակցությունների ընթացքում: «Հույս ունեմ, որ կկարողանանք երկխոսության, իրավական նորմերի վրա հիմնված որոշման արդյունքում հասնել բոլորին հարմար արդյունքի, կկարողանանք վերադարձնել մեր քաղաքացուն»,- ասել է Սերգեյ Լավրովը:
Նշենք, որ ՌԴ հայազգի քաղաքացի Մարատ Ուելդանով-Գալուստյանն Ադրբբեջանում ձերբակալվել է 2016 թվականի հուլիսին՝ «ապօրինաբար խոշոր չափերով թմրամիջոցներ ձեռք բերելու, արտադրելու, պահելու և տարածելու» մեղադրանքով:
Նա կնոջ ազգանունն է վերցրել (Ուելդանով) և երկար ժամանակ աշխատել Բաքվում՝ պարբերաբար Մոսկվա մեկնելով: 2016թ. ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Բաքվում Մարատ Ուելդանով-Գալուստյանի ձերբակալության գործում ազգային պատկանելության ենթատեքստ չի տեսնում: Նրա գործով դատավճիռը կայացվել է 2017 թվականի ապրիլին. դռնփակ նիստում Ուելդանով-Գալուստյանը դատապարտվել է 8 տարվա ազատազրկման:
