18.10.2026 | 18:27
COP17-ի պաշտոնական բացման արարողությունը․ ՈւՂԻՂ
ANCA-ն մտահոգված է Քիրսթեն Ջիլիբրանդի՝ նախագահական ընտրություններին մասնակցելու մասին հայտարարության առիթով
Քաղաքականություն
16.01.2019 | 13:15
Ամերիկայի Հայ դատի հանձնախումբը (ANCA) մտահոգված է Նյու Յորքից դեմոկրատ սենատոր Քիրսթեն Ջիլիբրանդի՝ 2020 թվականի նախագահական ընտրություններին մասնակցելու մտադրության մասին հայտարարության առիթով:
«Սենատոր Ջիլիբրանդը Նյու Յորքի հայ համայնքի մտահոգությունն առաջացնող նախաձեռնություններն աջակցելու տխուր փորձ ունի: Նա Սենատում երբեք չի սատարել Հայոց ցեղասպանությանը վերաբերող որևէ բանաձևի, չի ստորագրել այդ հանցագործությունը դատապարտելու պահանջով նախագահին ուղղված որևէ նամակ և ոչ մի անգամ Սենատում ելույթ չի ունեցել ապրիլի 24-ին»,- նշված է Հանձնախմբի տարածած հաղորդագրությունում:
Փոխարենը, ըստ ANCA-ի, նա ելույթ է ունեցել Հայոց ցեղասպանությունը ժխտող Ֆեթուլլահ Գյուլենի հետ կապված Թուրք-ամերիկյան համադաշնության համաժողովների ընթացքում՝ միաժամանակ խոսելով «Թուրքիայի պատմության նշանակալի դրվագների» մասին:
