12.12.2024 | 20:51
Վանաձոր-Ստեփանավան ավտոճանապարհին վթարի հետևանքով հիվանդանոց է տեղափոխվել 8 տուժած
Որպես նախարար ի՞նչ եք արել սփյուռքի ներուժը նոր Հայաստանում օգտագործելու համար․ Արման Բաբաջանյանը՝ Մխիթար Հայրապետյանին․ ՏԵՍԱՆՅՈՒԹ
Քաղաքականություն
16.01.2019 | 13:40
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանը Սփյուռքի նախկին նախարար, ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի թեկնածու Մխիթար Հայրապետյանից հետաքրքրվեց՝ ի՞նչ է արել վերջինս նախարար եղած ժամանակ սփյուռքի ներուժը նոր Հայաստանում օգտագործելու համար և ի՞նչ է պատրաստվում անել որպես ԱԺ մշտական հանձնաժողովներից մեկի նախագահ։
«Դուք Ձեր պաշտոնավարման ընթացքում տված հարցազրույցներից մեկում նշել էիք, որ Սփյուռքի նախարարությունը կրել է սիմվոլիկ բնույթ, ի՞նչ եք պատրաստվում անել, որ այս հանձնաժողովում սփյուռքին վերաբերող հարցերը ևս սիմվոլիկ չլինեն։ Սփյուռքի բոլոր հատվածները ինվենտարիզացնելու և սփյուռքի ներուժը նոր Հայաստանում օգտագործելու համար ի՞նչ եք արել որպես նախարար և ի՞նչ եք պատրաստվում անել որպես այս հանձնաժողովի նախագահ»,- Մխիթար Հայրապետյանից հետաքրքրվեց Արման Բաբաջանյանը։
Հարցերին ի պատասխան Հայրապետյանը նկատեց, որ այս հանձնաժողովում քննարկվելու են բացառապես օրենսդրական նախաձեռնություններ և լինելու է առանձին կառույց, որը գործադիր իշխանության գործառույթներն է կատարելու սփյուռքի հետ։
«Իսկ թե ինչո՞ւ էր նախարարությունը խորհրդանշական, որովհետև մյուս գերատեսչություններն ունեին սփյուռքի հետ առանձին բաժիններ, և այստեղ Սփյուռքի նախարարությունը բացարձակ գերակա դիրք և իրավունք չի ունեցել․ լծակների առումով Սփյուռքի նախարարությունը չի եղել հարց լուծող նախարարություն»,- ասաց նա։
Մանրամասները ՝տեսանյութում։
