10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
«Դիսկոմֆորտ չե՞ք զգում»․ Էդմոն Մարուքյանը՝ Մխիթար Հայրապետյանին հիշեցրեց նախկինում Սփյուռքի նախարարության կարևորության մասին ասածները․ ՏԵՍԱՆՅՈՒԹ
Քաղաքականություն
16.01.2019 | 13:02
Ազգային ժողովի «Իմ քայլը» խմբակցությունը ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի թեկնածու է առաջադրել Մխիթար Հայրապետյանին, որը նախկինում Սփյուռքի նախարարն էր։
Խորհրդարանի «Լուսավոր Հայաստան» խմբակցության ղեկավար Էդմոն Մարուքյանը Մխիթար Հայրապետյանից հետաքրքրվեց․ «Դուք դիսկոմֆորտ չե՞ք զգում․ 7 ամիս եղել եք Սփյուռքի նախարարը և Ձեր այցերի ընթացքում անընդհատ շեշտադրել եք այդ նախարարության կարևորությունը և անձամբ Ձեր դերը՝ որպես նախարար։ Հետո Դուք գալիս եք խորհրդարան ընտրությունների արդյունքներով, իսկ նախարարությունն էլ ընկնում է կրճատումների տակ։ Ո՞նց մենք այս ուղերձը տանք սփյուռքի մեր հայրենակիցներին, որ դա վնաս չբերի Հայաստան-սփյուռք հարաբերություններին։ Եթե այդքան կարևոր էր այդ նախարարությունը, ինչը Դուք ասում էիք նախկինում, հիմա ինչո՞ւ կարևոր չէ»։
էդմոն Մարուքյանի հարցին ի պատասխան Մխիթար Հայրապետյանը հակադարձեց․ «Իսկ ո՞վ է ասում, որ կարևոր չէ, պարո՛ն Մարուքյան»։
Այնուհետև Հայրապետյանը ներկայացրեց նախարարությունների օպտիմալացման հետ կապված իր դիրքորոշումը։ «Եթե Սփյուռքի նախարարությունը պետք է մնար այն նույն կարգավիճակով, ինչպիսին նախկինում էր՝ որպես խորհրդանշական ինստիտուտ, ապա ավելի լավ է չլինի, և մենք անկեղծ լինենք սփյուռքի հետ մեր երկխոսության մեջ»,- ասաց նա՝ նշելով, որ եթե նախարարությունը մնար, ապա նրան պետք է տրվեին սուպեր լիազորություններ։
Մանրամասները՝ տեսանյութում։
