16.01.2025 | 21:10
Քննարկվել է ճանապարհաշինության մեջ օգտագործվող նյութերի որակի վերահսկողության հարցը
Նյու Յորքից սենատորը որոշել է մասնակցել 2020թ. նախագահական ընտրարշավին
Քաղաքականություն
16.01.2019 | 12:39
Նյու Յորքից դեմոկրատ սենատոր Քիրսթեն Ջիլիբրանդը հայտարարել է 2020 թվականին ԱՄՆ նախագահական ընտրություններին մասնակցելու մտադրության մասին: Kp.ru-ի փոխանցմամբ՝ այս մասին նա հայտնել է CBS-ին տված հարցազրույցում:
Ջիլիբրանդը նշել է, որ եթե ամերիկացիները վստահության քվե տան իրեն և ընտրեն նախագահի պաշտոնում, կզբաղվի առողջապահության և կրթության ոլորտների կատարելագործման, պետական դպրոցների և աշխատավորների որակավորման բարձրացման կենտրոնների զարգացման հարցերով:
Բացի այդ, Դեմոկրատական կուսակցության ներկայացուցիչը հայտարարել է, որ մտադիր է պայքարել Վաշինգտոնի «կոռուպցիայի և ագահության» դեմ: Ջիլիբրանդը վստահ է, որ կկարողանա անել դա: «Ես քաջություն ունեմ՝ այդ ամենին հասնելու համար»,- հայտարարել է սենատորը:
Նշենք, որ ԱՄՆ գործող նախագահ Դոնալդ Թրամփն անցյալ տարեվերջին հայտարարել էր, որ հաջորդ նախագահական ընտրություններում արժանի մրցակիցների չի տեսնում:
Թրամփը նշել էր նաև, որ միակ անձը, ում հետ հետաքրքիր կլիներ պայքարել պետության ղեկավարի պաշտոնի համար, Նյու Յորքի նախկին քաղաքապետ Մայքլ Բլումբերգն է, սակայն վստահ չէ, որ գործարարն առաջադրվելու ծրագրեր ունի:
