08.03.2026 | 10:12
Հանրապետության մի շարք տարածաշրջաններում ձյուն է տեղում
Քոչարյանի պաշտպանները երրորդ բողոքն են նախապատրաստվում ներկայացնել ՄԻԵԴ. ՏԵՍԱՆՅՈՒԹ
Հասարակություն
16.01.2019 | 11:30
ՀՀ երկրորդ նախագահ Ռոբերտ Քոչարյանի պաշտպանները երրորդ բողոքն են պատրաստվում ներկայացնել ՄԻԵԴ: Այս մասին այսօր լրագրողների հետ զրույցում ասաց փաստաբան Արամ Օրբելյանը. «Չի բացառվում, որ այդ բողոքում ներառվի նաև Եվրոպական կոնվեցիայի 18-րդ հոդվածը, որը սահմանում է, թե ով է քաղբանտարկյալը: Ինչպես նաև ըստ միջազգային մի շարք կառույցների քաղբանտարկյալի վերաբերյալ տված սահմանումների, որն ակնհայտորեն վերաբերվում է նաև պարոն Քոչարանին»:
Նա նշեց, որ հայկական դատական ատյաններում Քոչարյանի` քաղբանտարկյալ լինելու հարցը չի քննարկվում. «Այստեղ ցույց ենք տալիս իրավական խախտումները, որը մշակման փուլում է: ՄԻԵԴ դիմելը կախված չէ միայն այսօրվա դատական նիստի արդյունքից, որը, իհարկե, կարևոր է, բայց հաշվի է առնվելու նաև ընթացքը: Անհրաժեշտ են նաև դատարանի պատճառաբանություններն ու հիմնավորումները»:
Օրբելյանը տեղեկացրեց, որ պաշտպանական կողմը դիտարկում է Հայաստանում և Հայաստանից դուրս տարբեր իրավաբանների և իրավաբանական կառույցների դիրքորոշումները ևս ներառել բողոքում. «Այս պահին քննարկումների մեջ ենք Ֆրանսիայի և Ռուսաստանի իրավական դոկտորների հետ, որոնց կողմից Քոչարյանին առնչվող հարցերի վերաբերյալ տարբեր կարծիքներ են հնչել և դրանք ևս բողոքում կներառվեն»:
