16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Թեժ վիճաբանություն ԱԺ-ում․ Մարուքյանն ու ԲՀԿ-ական պատգամավորները հարցեր են լուծում՝ խախտելով նիստի ընթացքը․ ՏԵՍԱՆՅՈՒԹ
Քաղաքականություն
16.01.2019 | 10:51
Ազգային ժողովի հունվարի 16-ի նիստում շարունակում է քննարկվել ԱԺ մշտական հանձնաժողովների նախագահների թեկնածությունների հարցը։ Արտաքին հարաբերությունների հանձնաժողովի նախագահի թեկնածու Ռուբեն Ռուբինյանի թեկնածության քննարկման ժամանակ «Լուսավոր Հայաստան» խմբակցության պատգամավոր Արման Բաբաջանյանն անդրադարձավ Հայաստանի արտաքին քաղաքականությանը՝ նշելով որ Քոչարյան-Օսկանյան տանդեմը Հայաստանի արտաքին քաղաքականությունը հետևողականորեն ոչնչացրել է։
Նա անդրադարձավ Հայաստանի դեսպանների աշխատանքին՝ մասնավորապես Ուկրաինայում Հայաստանի նախկին դեսպան Անդրանիկ Մանուկյանի գործունեությանը և նշեց, որ Մանուկյանը սպասարկել է ռուսական շահերը:
Անդրանիկ Մանուկյանին շտապեց պաշտպանել նրա մոտ 3 տարի խորհրդական աշխատած ԲՀԿ-ական Արման Աբովյանը և պնդեց, որ Արման Բաբաջանյանի մեղադրանքներն ադրբեջանական քարոզչության թեզեր են՝ հարցադրում հնչեցնելով, թե ինչու է ԼՀԿ-ական պատգամավորը զրպարտում Անդրանիկ Մանուկյանին:
Արման Աբովյանի ելույթն ԱԺ ամբիոնից ընդհատեցին Էդմոն Մարուքյանն ու ԲՀԿ-ական մի շարք պատգամավորներ, որոնք տեղից բղավելով հարցեր էին լուծում՝ խախտելով նիստի ընթացքը։
Մանրամասները՝ տեսանյութում։
