18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Սիրիայում օպերացիա սկսելու համար 80.000 թուրք զինվոր սպասում է հրամանի
Քաղաքականություն
15.01.2019 | 22:35
Թուրքական աղբյուրը հայտնում է, որ 80.000 զինվոր պատրաստ սպասում է հրամանի, որպեսզի ռազմական գործողություններ սկսի Սիրիային պատկանող Եփրատի արևելյան տարածքներում. տեղեկացնում է ermenihaber-ը:
Աղբյուրում նշվում է, որ այդ ռազմական գործողությունը Թուրքիայի Հանրապետության պատմության մեջ ամենախոշորն է լինելու և ղեկավարվելու է Թուրքիայի հարավային Շանլըուրֆա ու Քիլիս շրջաններից:
Թուրքիայի պաշտպանության նախարար Հուլուսի Աքարը, գլխավոր շտաբի պետ Յաշար Գյուլերը, ցամաքային զորքերի հրամանատար Ումիթ Դյունդարը և ազգային հետախուզական կազմակերպության (MIT) նախագահ Հաքան Ֆիդանը նախօրեին հանդիպել և մանրամասներ են քննարկել այդ թեմայով:
Թուրք-սիրիական սահմանային շրջանում ծրագրվող օպերացիան իրականանալու է 500կմ շրջագծով և Մանբիչի հարավային հատվածում: Օպերացիային մասնակցելու է 80.000 զինվոր, ընդհանուր առմամբ ընդգրկելով 30.000 քկմ տարածք, թուրքական զորքի հարձակումը լինելու է ավելի քան 10 ելակետից:
Նշենք, որ 1974թ. Թուրքիայի կողմից Կիպրոս կղզու հյուսիսը գրավելու ժամանակ անգամ թուրքական զորքի թիվը եղել է 40.000: Սա նշանակում է, որ Սիրիայի տարածքում իրականացվելիք օպերացիան լայնամասշտաբ է լինելու:
