02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Քոչարյանի կալանավորումը գործադիր իշխանության պատվերն է. Հայկ Ալումյան․ ՏԵՍԱՆՅՈՒԹ
Հասարակություն
15.01.2019 | 19:48
ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն այսօրվա նիստի ավարտից հետո լրագրողներին ասաց, որ իրենք առաջիկայում Մարտի 1-ի իրադարձությունների հետ կապված տեսանյութեր են ներկայացնելու դատարան, որոնք վկայելու են այն մասին, որ ցույցերը խաղաղ բնույթ չեն կրել:
Փաստաբանի խոսքով` այդ թվում ներկայացվելու է տեսանյութ, թե ինչպես է քաղաքացիական հագուստով անձը կրակահերթ անցկացնում:
Factor.am-ի այն հարցին, թե եթե կային նման տեսանյութեր, ինչո՞ւ մինչ այս պահը Քոչարյանը որևէ կերպ չէր հրապարակում, Ալումյանը պատախանեց, որ նախկինում նրան մեղադրանք առաջադրված չի եղել.
«Մեղադրանքը առաջադրված է, անհրաժեշտ համարեցինք տեսանյութը հրապարակել, որտեղ երևում է, թե ինչպես մի քաղաքացիական հագուստով անձ ցուցարարների ուղղությունից կրակում է ոստիկանների ուղղությամբ, բայց գնդակն անցել է նրա գլխավերևով»:
Փաստաբանը շեշտեց, որ այդ տեսանյութը նորություն չէ, երբ իրենք ներկայացրել են քննիչին, պարզվել է, որ տեսանյութը կա, ուղարկված է փորձաքննության:
Հայկ Ալումյանը նաև տեսակետ հնչեցրեց, թե Քոչարյանի կալանավորումը գործադիր իշխանության պատվերն է:
Մանրամասները՝ տեսանյութում։
Լիլիթ Շաբոյան
